Ministria e Financave ka njoftuar se më 14 korrik 2020 do të mbahet ankandi i tetë për vitin 2020.

Njoftohet se në këtë ankand, do të emetohen Obligacione me maturitet pesëvjeçar në shumën prej 25 milionë euro, transmeton Klan Kosova.

“Investimi në Obligacione është investim i sigurt, i garantuar me Ligjin për Borxhin Publik, ku interesi i përcaktuar nga tregu ju garantohet për të gjithë kohëzgjatjen (5 vite) dhe është tërësisht i liruar nga tatimi”, thuhet në kumtesë, transmeton Klan Kosova.

“Për detaje rreth pjesëmarrjes në ankande për blerjen e letrave me vlerë, të interesuarit të kontaktojnë ndonjërën nga Bankat Komerciale që operojnë në Republikën e Kosovës”.