Me “10 Rregullat e Arta të Sigurisë Rrugore” drejt një komunikacioni më të sigurt

Ministria e Infrastrukturës dhe Transportit e ka lansuar fushatën “10 Rregullat e Arta të Sigurisë Rrugore”, vazhdimësi e aktiviteteve drejt sensibilizimit të pjesëmarrësve në komunikacion për qarkullim të sigurt.

Zëvendësministri i kësaj ministrie, Idriz Selimaj, i cili bëri edhe hapjen e kësaj fushate në pikën kufitare në Merdare, theksoi se Ministria e Infrastrukturës dhe Transportit me anë të kësaj fushate ka synim uljen e numrit të aksidenteve, veçanërisht gjatë sezonës së verës kur edhe rritet numri i përgjithëm i mjeteve qarkulluese.

Broshura që rikujton disa nga shkeljet që e rrezikojnë jetën e pjesëmarrësve në trafik është shpërndarë te vozitësit që kanë qarkulluar përmes pikës kufitare Kosovë – Serbi, ndërsa do të vazhdojë të shpërndahet edhe në pikat e tjera kufitare.

Iniciativa e sotme është bashkëpunim i Ministrisë së Infrastrukturës dhe Transportit dhe Policisë së Kosovës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.