Mbyllen 13 subjekte tjera të lojërave të fatit

Në një aksion të zhvilluar nga inspektorët e Divizionit të Lojërave të Fatit të Administratës Tatimore të Kosovës janë mbyllur 13 subjekte që ushtrojnë jashtëligjshëm veprimtarin e lojërave të fatit, për të cilat njëkohësisht janë lëshuar gjoba në vlerë 50,000 euro.

Aksioni në fjalë është zhvilluar në qytetin e Prishtinës dhe Podujevës.

Bëhet e ditur se ndëshkimi i këtyre subjekteve është bërë pasi që të njëjtat kanë organizuar lojëra të ndaluara me Ligjin për Lojërat e Fatit, në pikat pa licencë (vendim) të Administratës Tatimore të  Kosovës, transmeton Klan Kosova.