Mblidhet Shtabi i Emergjencave, Veliaj: Strehimi i njerëzve do bëhet edhe në konvikte NULL NULL 22.09.2019 17:27 22.09.2019 17:27 Po zhvillohet aktualisht mbledhja e Shtabit të Emergjencave, ku ndër të tjera po kryhet një pasqyrim i situatës, pas lëkundjeve të fuqishme sizmike. Gjatë fjalës së tij, kryebashkiaku Veliaj bëri me dijeni se strehimi i njerëzve do të bëhet edhe në konvikte, të cilat tashmë janë të rregulluara. Nisur nga çfarë po raportohet në mbledhje, gjendja rezulton më e stabilizuar. Mësohet se 150 forca policore janë angazhuar në Tiranë brenda 2 ditëve. Bëhet me dijeni se aktualisht autoritetet përkatëse gjenden në situatën e vlerësimit të dëmeve, ku shqetësuese rezultojnë dokumentacionet. Subjektet e dëmtuara duhet të plotësojnë një sërë dokumentesh duke u siguruar që ky dokumentacion të mos jetë i mangët. “Të gjendet mënyra që shtëpitë e rindërtuara të mos paguajnë taksë”, u shpreh Veliaj. Po kështu shtoi se “në shkollat që mund të ketë rrezik, më mirë të shtyhet mësimi një ditë”. / T Ch/ *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.