Mbi 90 mijë vdekje nga COVID në SHBA, nga qershori mund të ishin parandaluar nga vaksinat

Dhjetëra mijëra vdekje nga Covid-19 në SHBA, gjatë katër muajve të fundit mund të ishin parandaluar nëse njerëzit do të vaksinoheshin, zbulon një analizë e re.

Studiuesit në Fondacionin e Kaiser Family (KFF) zbuluan se 90,000 vdekje të lidhura me virusin që nga qershori 2021 – ndërsa vaksina ishte gjerësisht e disponueshme – ishin të shmangshme, përcjell Klankosova.tv.

Më shumë se gjysma, gati 50,000, nga këto vdekje të parandalueshme ndodhën në shtator, dhe 24,600 vdekje ndodhën në gusht.

Studiuesit duan që zyrtarët shëndetësorë të bëjnë më shumë për të ndihmuar në arritjen e 70 milionë amerikanëve të mbetur të pavaksinuar dhe t’i bindin ata që të marrin masat për të mbrojtur veten.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.