Mbi 650 kandidatë për hetues në FBI-në shqiptare

Mbi 650 kandidatë për hetues në FBI-në shqiptare

NULL NULL
4 javë më parë

Drejtuesja e Byrosë Kombëtare të Hetimit në Shqipëri, Aida Hajnaj ka dhënë një mesazh falenderimi për të gjithë kandidatët për pozicionin e hetuesit në strukturën që ajo drejton.

Në mesnatë u mbyllën edhe aplikimet për hetues të BKH-së, ndërsa Hajnaj në mesazhin e saj shkruan se numri i kandidatëve është mbi 650 dhe së shpejti do të bëhet edhe një saktësim.

Më tej ajo ka shtuar se procesi i përzgjedhjes do të asistohet dhe monitorohet nga afër nga Komisioni Ndërkombëtar i Ekspertëve që garanton transparencë dhe objektivitet maksimal në këtë proces./tch

MESAZH NGA DREJTUESI I BYROSË KOMBËTARE TË HETIMIT:

Për Mbylljen e Aplikimeve për pozicionet “Hetues” në Byronë Kombëtare të Hetimit

Falenderoj të gjithë kandidatët që kanë aplikuar për pozicionet “Hetues” në Byronë Kombëtare të Hetimit. Afati i fundit për aplikim ka qënë data 29.09.2020, i cili ka përfunduar në orën 24.00 të kësaj date.

Numri i kandidatëve të interesuar, që iu përgjigjën thirrjes për të aplikuar për këtë pozicion pune,në zbatim të Ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar” është mbi 650, sa më shpejt që të jetë e mundur do bëjmë saktësimet dhe do të njoftojmë numrin e saktë të kandidatëve që kanë aplikuar.

Falenderoj edhe njëherë të gjithë kandidatët që kanë aplikuar dhe ju garantoj që procesi i përzgjedhjes do të jetë një proces i drejtë, objektiv, transparent, dhe i barabartë, duke identifikuar kandidatët/et më të mirë, të cilët do të punojë ngushtësisht dhe nën drejtimin e Prokurorëve të Posaçëm për të hetuar veprat penale në fushën e korrupsionit dhe krimit të organizuar dhe do të garantojë një strukturë të pavarur nga çdo ndikim i paligjshëm, i brendshëm apo i jashtëm.

Procesi i përzgjedhjes do të asistohet dhe monitorohet nga afër nga Komisioni Ndërkombëtar i Ekspertëve që garanton transparencë dhe objektivitet maksimal në këtë proces.

Aida Veizaj (Hajnaj)

Drejtues i Byrosë Kombëtare të Hetimit