Disa persona janë lënduar nga aksidentet që kanë ndodhur sot në autostradën Prishtinë-Pejë, më saktësisht nga fshati Stllatinë dhe deri në fshatin Komoran.

Këtë për klankosova.tv e konfirmoi Daut Hoxha, zëdhënës në Policinë e Kosovës.

Ai tha se në të dy anët e autostradës kanë ndodhur mbi 10 aksidente.

“Policia bashkë me ekipet e emergjencave është duke u menaxhuar me këtë situatë ku pas reshjeve atmosferike në këtë pjesë të autostradës nga të dy anët  deri në këto momente kanë ndodhur më shumë se 10 aksidente. Për detaje tjera ju njoftojmë me vonë”, tha Hoxha për klankosova.tv.