Kompozitori Elgit Doda dhe prezantuesja Klea Huta, kanë kurorëzuar lidhjen me martesë.
Çifti kanë zgjedhur që martesën ta bëjnë në qytetin maroken, Marrakesh, njofton Klan Kosova.
Lajmin e bënë të ditur përmes postimeve që kanë ndarë me ndjekësit në rrjetet sociale, gjegjësisht në llogaritë e tyre zyrtare në Instagram.
Klea ndau dy fotografi e veshur me vello të bardhë, teksa nuk mungoi edhe imazhi përkrah tashmë bashkëshortit.
Ndërsa Elgiti po ashtu ka ndarë me fansat një imazh me partneren e tij me përshkrimin, “Unë thashë po”, e më pas duke i dedikuar një shkrim emocional, “Faleminderit që ekziston”.
Kujtojmë se çifti janë të lidhur prej vitesh dhe siç raportuan mediat shqiptare Elgiti dhe Klea pritet të bëhen prindër së shpejti.
