Marsh për siguri në trafik, përkujtohen 112 viktima (VIDEO)

Më shumë se 100 jetë njerëzish humben në aksidente të ngjashme trafiku vetëm gjatë këtij viti në Kosovë.

Për të sensibilizuar opinionin për kujdes të shtuar në trafik në Prishtinë u shënua dita botërore e përkujtimit të viktimave në trafikun rrugor,njofton Klan Kosova.

Përmes një marshi qendrës së kryeqytetit u përkujtuan saktësisht 112 persona që pësuan gjatë këtij viti në komunikacion.

Marshit iu bashkua edhe një grup çiklistësh, për të shënuar Ditën Botërore të përkujtimit e viktimave në rrugë.

Në këtë ditë që shënohet të dielën e tretë të muajit nëntor të rinjtë e organizatës ”Nisma Vetëdijësuese për çiklizëm”, inskenuan një rast aksidenti në rrugë.

Kronikë nga Flutra Nushi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.