Marrëveshja ShBA-Iran nuk kërkon tërheqjen e Izraelit nga Libani

Marrëveshja e administratës Trump me Iranin nuk përfshin një kërkesë që Izraeli të tërhiqet nga Libani, tha të hënën një zyrtar i lartë amerikan.

“Tërheqja e tyre nuk ishte një kusht i marrëveshjes”, tha zyrtari.

“Nëse Irani nuk është në gjendje të kontrollojë Hezbollahun dhe nëse ata sulmojnë, e dini, pozicionet izraelite ose qytetet izraelite, Izraeli do të ketë të drejtën të mbrohet dhe të kundërpërgjigjet”, shkruan CNN, transmeton Klankosova.tv. 

Zyrtarët izraelitë kishin këmbëngulur më parë se nuk do të tërhiqeshin nga ofensiva në Liban. Izraeli ka nisur sulme kundër grupit militant Hezbollah të mbështetur nga Irani atje, pavarësisht sugjerimeve nga Irani që ata të përfshihen në çdo armëpushim më të gjerë.

Zyrtari amerikan shprehu optimizëm të hënën se Izraeli dhe Libani do të përparonin në negociatat e tyre, por e bëri të qartë se luftimet e vazhdueshme nuk do ta pengonin paktin e administratës Trump me Iranin.

“Të dyja palët mendojnë se po ofendohen nga njëra-tjetra», tha zyrtari. «Kështu që shpresojmë të gjejmë një mënyrë për të krijuar një kornizë të re për rajonin bazuar në kohët moderne, aspiratat moderne”.