Marrëveshja gati, Gattuso trajner i ri i Italisë

Gennaro Gattuso, do të jetë trajner i ri i Italisë.

Lajmi u bë i ditur nga eksperti i transferimeve, Fabrizio Romano.

Sipas tij, tashmë është arritur marrëveshja mes Federatës Italiane të Futbollit dhe ikonës së Milanit, transmeton Klankosova.tv.

Zyrtarizimi i Gattusos si trajner i “Azzurëve”, do të bëhet gjatë javës së ardhshme.

Ai do të jetë pasues i Luciano Spallettit, i cili u shkarkua javën e kalaur, pas humbjes turpëruese nga Norvegjia, e vlefshme për kualifikimet e Kupës së Botës.

Synimi i 47-vjeçarit, do të jetë kualifikimi i Italisë në Kampionatin Botëror 2026, që mbahet në ShBA, Kanada dhe Meksikë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.