Marash Kumbulla në 11-shen e javës në La Liga

Mbrojtësi i kombëtares shqiptare, Marash Kumbulla, është në mesin e 11 futbollistëve të javës së nëntë në La Liga.

Kumbulla e realizoi golin e fitores të Espanyolit me rezultatin 2:1 ndaj Mallorcas, të shtunën.

Ai ishte edhe më i vlerësuari i ndeshjes, me notën 8.4 siç njofton faqja e njohur sportive Sofa Score, transmeton Klankosova.tv

24-vjeçari këtë edicion ka zhvilluar tetë ndeshje me klubin spanjoll.

Ai u huazua për një vit te Espanyoli nga Roma, në afatin kalimtar të verës.