Malisheva përfundon rrugëtimin evropian, mposhtet thellë nga ekipi malazez

Ka përfunduar aventura evropiane edhe për skuadrën tjetër kosovare, Malishevën.

Kjo pasi Malisheva u mposht me rezultat të thellë nga ekipi malazez, Buducnost prej 3-0.

Golin e parë për vendasit e shënoi Ivanoviq në minutën e 32-të të takimit, e që ishte edhe rezultati i pjesës së parë, njofton Klankosova.tv.

Kurse, malazezët e dyfishuan epërsinë në minutën e 56-të me anë të Griviq, teksa shpresat kosovarëve për vazhdime iu shkëputën në minutën e 88-të kur Perisiq shënoi për 3-0.

Me këtë humbje, Malisheva nuk do të ketë mundësi që të vazhdojë më në garat evropiane, pasi Conference League është liga më e ulët evropiane.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.