Mali i Zi: Autobusi del nga rruga, vdesin dy persona

Një aksident i rëndë ka ndodhur në Mal të Zi.

Dy persona kanë humbur jetën si pasojë e daljes së një autobusi nga rruga.

Aksidenti ka ndodhur në qytetin e Obzovicës, në rrugën Budvë-Cetinje.

Sipas televizionit Vijesti, 17 persona janë të lënduar, të cilët janë dërguar për trajtim në spitalin e Cetinjes, derisa njëri i lënduar rëndë është transferuar në Qendren Klinike në Podgoricë përcjell Klankosova.tv

Raportohet se në autobus gjendeshin 35 udhëtarë, në mesin e tyre nuk kishte fëmijë.

Shoferi i autobusit është ndaluar nga policia.

Ai iu tha ekipit mjekësor se kishte ndjerë dhimbje të forta në pjesën e pasme të kokës.

Më pas ai tha se autobusi kishte goditur mbrojtësen e djathtë të rrugës duke përfunduar në përrockë.

Televizioni në fjalë raportohet se ekipet emergjente janë në pritje të mjetit për tërheqjen e autobusit nga gremina.

Sipas atyre aty do të kontrollohet nëse dikush ka mbetur poshtë autobusit si pasojë e aksidentit, përcjell Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.