Komuna e Gjilanit përmes një njoftimi bëri të ditur se kryetari i kësaj komune, Lutfi Haziri ka zhvilluar një takim me kryetarin e Kuvendit Komunal të Bujanocit, Adnan Salihu dhe kryetarin e Lëvizjës së Progresit Demokratik, Shqipërim Musliun, njofton Klan Kosova.
“Në takim, kreu i Gjilanit ka konfirmuar se në kuadër të manifestimit “Flaka e Janarit 2019”, do të organizohet akademi përkujtimore në 1-vjetorin e vdekjes së veprimtarit të çështjes kombëtare, Jonuz Musliu”, thuhet në njoftimin e Komunës së Gjilanit.
Në fund të këtij takimi të dy përfaqësuesit politikë të Bujanocit kanë shfrytëzuar rastin që ta ftojnë kryetarin Haziri për vizitë në Bujanoc me rastin e shënimit të 28 nëntorit.
klankosova.tv
- Fjalë kryesore:
- Bujanoc, Lutfi Haziri
