Lushaku-Sadriu: LDK i voton marrëveshjet ndërkombëtare, Kurti po hedh hi mbi sytë e qytetarëve

Kryetarja e Forumit të Gruas së LDK-së, Jehona Lushaku-Sadriu, ka bërë sqarim lidhur me qëndrimin e këtij subjekti politik për votimin e marrëveshjeve ndërkombëtare në Kuvendin e Kosovës.

“Tendenca e pushtetit për të përgjithësuar e portretizuar opozitën si një, është tendencë për mashtrim dhe e pavërtetë.  E vërteta është kjo: LDK voton marrëveshjet ndërkombëtare!”, ka shkruar Lushaku, përcjell KlanKosova.tv.

“Por, votimi jonë i marrëveshjeve ndërkombëtare nuk e amniston këtë qeveri nga dështimet serike në politikën e jashtme dhe dëmin e pozicionit ndërkombëtar”.

Sipas saj Kosova si rezultat i sjelljes së papërgjegjshme të Kurtit është nën sanksione!

“Prandaj sot ai provon me propagandë të hedh sërish hi mbi sytë e qytetarëve”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.