Loriana Kuka në gjysmëfinale të European Open

Xhudistja Loriana Kuka ka vazhduar me paraqitje fantastike.

Kuka u kualifikua për në gjysmëfinalen e European Open që po mbahet në Sarajevë të Bosnjës dhe Hercegovinës.

Ajo në çerekfinale e mposhti xhudisten holandeze, Lieke Derks me IPPON.

Xhudistja kosovare kualifikohet në gjysmëfinale dhe pret të njoftohet me kundërshtaren e saj të radhës.

Ajo raundin e parë e kaloi pa luftë, kurse në të dytin mundi xhudisten turke, Serdem Daharli. Ajo po garon në kategorinë deri në 78 kilogramë.