Liverpooli sërish me fitore në sekondat e fundit, kësaj radhe viktimë Atletico

Liverpooli ka shënuar fitore dramatike ndaj Atletico Madridit me rezultat 3:2 në “Anfield” në ndeshjen e parë të ligës në Champions League.

Vendasit e nisën mbarë ndeshjen duke shënuar dy gola për dy minuta, fillimisht me Robertsonin në minutën e 4-të dhe me Salahin në minutën e 6-të.

Por, mysafirët s’u dorëzuan, pasi arritën që të shënojnë në minutën e 3-të të shtësës në pjesën e parë me Llorenten, njofton Klankosova.tv.

10 minuta nga fundi i kohës së rregullt, Llorente me një supergol arriti që ta barazonte rezultatin.

E, kur ndeshja po shkonte drejt fundit, van Dijk realizoi për 3:2, duke ia dhënë kështu fitoren e parë Liverpoolit në këtë edicion të Champions League.

Liverpooli aktualisht gjendet në pozitën e shtatë me tri pikë, kurse Atletico në vendin e 28-të me zero pikë.