LIVE: Trepça shkon në finale

Trepça është finalistja e dytë e playoff-it të basketbollit.

Në Pallatin e Rinisë dhe Sporteve mitrovicasit e mposhtën Sigal Prishtinën me rezultat 74:77.

Në finale skuadra “të gjelbrit” do të kenë punë me Pejën.

______________________________________________________________________________________________________

50:57 ka përfunduar çereku i tretë i ndeshjes Sigal Prishtina-Trepça.

Skuadra mitrovicase është në epërsi prej shtatë pikësh kur kanë mbetur edhe 10 minutat e fundit.

Në rast se sonte arrin të fitoj Trepça, do të përballet në finale me skuadrën e Pejës./Klankosova.tv

______________________________________________________________________________________________________

Ka përfunduar pjesa e parë e gjysmëfinales së pestë të playoff-it.

Trepça ka arritur t’i mbyll 20 minutat e para me tetë pikë në epërsi ndaj Sigal Prishtinës.

Aktualisht, rezultati në Pallatin e Rinisë dhe të Sporteve është 31:39.

______________________________________________________________________________________________________

Çereku i parë i ndeshjes së pestë gjysmëfinale i takoi plotësisht mysafirëve nga Mitrovica.

Plot 13 pikë është epërsi e Trepçës ndaj Sigal Prishtinës.

Rezultati i 10 minutave të para është 4 me 17/ Klankosova.tv

______________________________________________________________________________________________________

Në Pallatin e Rinisë dhe Sporteve në Prishtinë ka nisur klasikja e basketbollit kosovar, Sigal Prishtina – Trepça.

Cilado skuadër e cila fiton sonte, do ta sigurojë një vend në finalen e playoff-it dhe do të përballet me Pejën.

Në palestër për shkaqe të sigurisë nuk janë tifozët mysafirë “Torcida”.

____________________________________________________________________________________________________