LIVE: Swansea – Manchester United, luajnë pa gola në pjesën e parë

Ka përfunduar pjesa e parë e takimit mes Swansea City dhe Manchester United, që është duke u zhvilluar në Liberty Stadium.

Të dyja skuadrat kishin rastet e tyre për 45 minuta, në fillim United u tregua më i rrezikshëm, kurse në gjysmën e dytë të pjesës së parë më shumë raste patën futbollistët e Swanseas, transmeton Klan Kosova.

United e ka filluar me një ofensivë takimin, duke sulmuar që nga minuta e parë. Depay pati një rast të mirë nga gjuajtja e lirë, por që Fabianski ishte i pozicionuar mirë.
Menjëherë pas tij ishte Mata ai që rrezikoi, por goditja e tij shkoi mbi portë.

Deri në minutën e ’15-të nuk ka pasur ndonjë rast të mirë për asnjërën palë. Futbollistët e Swanseas arritën që të marrin veten, duke krijuar disa raste, por që nuk paraqitnin rrezik për skuadrën e Van Gaal.

Mata rrezikoi edhe në minutën e ’20-të, por që goditja e tij shkoi për skaj shtyllës së majtë të portierit të Swanseas.

Për Swansean rastin më të mirë në ndeshje e pati Gomis, në minutën e ’24-të, kur dërgoi një goditje të fortë jashtë vijës së zonës së rrezikshme, por që përfundoi larg portës së Romero.

Pas tij rast edhe më të mirë pati Sigurdsson, i cili bëri një goditje shumë të mirë, që përfundoi përskaj portës së United.

Futbollistët vendas u treguan të rrezikshëm kur për tre minuta rrezikuan në katër raste shumë të mira, ishte Gomis ai që goditi shtyllën, por fati ishte në anën e Romeros.

Në minutën e ’38-të gjyqtari Atkinson nxorri për herë të parë në ndeshje kartonin e verdhë, ku u ndëshkua Morgan Schneiderlin.

Pas tij u ndëshkua edhe Depay me të verdhë, pas një ndërhyrje jo të rregullt.

Në anën tjetër u ndëshkua Routledge, pasi ndërhyri në Darmian në minutën e ’43-të.

Këto ishin momentet kryesore që e karakterizuan pjesën e parë të këtij takimi, transmeton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.