LIVE| Blinken takohet me Netanyahun në Tel Aviv: Ne nuk do të shkojmë askund (VIDEO)

07.10.2023 08:58 07.10.2023 08:58

06 August 2022, Israel, Sderot: The Iron Dome anti-missile system fires an interceptor missile as rockets are launched from Gaza towards Israel. Photo by: Ilia Yefimovich/picture-alliance/dpa/AP Images

13:35 – “Izraeli nuk qëndron i vetëm”, thotë shefi i NATO-s

Sekretari i Përgjithshëm i NATO-s Jens Stoltenberg tha se “Izraeli nuk qëndron i vetëm”, ndërsa aleanca premtoi mbështetje për Izraelin gjatë ditës së dytë të takimit të ministrave të mbrojtjes të NATO-s në Bruksel.

Ministri i mbrojtjes i Izraelit, Yoav Gallant i informoi homologët e tij të NATO-s përmes një video-telefonate “mbi mizoritë e Hamasit të kryera kundër civilëve izraelitë dhe shtetasve të disa aleatëve të NATO-s”, tha NATO në një deklaratë për shtyp, raporton CNN, transmeton Klankosova.tv

Stoltenberg tha se aleanca dënoi sulmet terroriste në termat më të ashpër të mundshëm.

Aleatët e NATO-s “shprehën solidaritetin me Izraelin, duke e bërë të qartë se ai ka të drejtë të mbrohet me proporcionalitet kundër këtyre akteve të pajustifikueshme të terrorit” dhe i bëri thirrje Hamasit që “menjëherë” të lirojë të gjithë pengjet, thuhet në deklaratë.

“Asnjë komb apo organizatë nuk duhet të kërkojë të përfitojë nga situata ose ta përshkallëzojë atë”, paralajmëroi ai.

Ministrat e mbrojtjes të NATO-s po takohen për bisedime në selinë e aleancës në Bruksel, ku kanë diskutuar situatën në Izrael si dhe pushtimin e Rusisë në Ukrainë.

Më herët të enjten, Stoltenberg mirëpriti Sekretarin e Mbrojtjes së SHBA, Lloyd Austin dhe e falënderoi atë për udhëheqjen e fortë dhe mbështetjen për aleancën.

12:57 – Blinken takohet me Netanyahun në Tel Aviv

Sekretari amerikan i Shtetit Antony Blinken është duke zhvilluar një takim me kryeministrin izraelit Benjamin Netanyahu në Tel Aviv, sipas një deklarate nga zyra e Netanyahut.

“Ne jemi këtu – dhe ne nuk do të shkojmë askund”, i tha Blinken, Netanyahut në fillim të takimit, thuhet në deklaratë, raporton CNN, transmeton Klankosova.tv.

Ndër të tjera, në takim morën pjesë edhe ministri i jashtëm izraelit, kreu i këshillit të sigurisë kombëtare të Izraelit dhe ambasadori i Izraelit në Uashington.

12:17 – Iron Dome, sistemi mbrojtës i Izraelit që shkatërroi 90% të raketave të Hamasit

Ndërsa mijëra raketa kanë rënë mbi Izraelin, vendi është mbështetur edhe një herë në sistemin Iron Dome (Kupola e Hekurt) për të mbrojtur qytetarët e tij.

Sistemi i mbrojtjes raketore është një nga mjetet më të rëndësishme në arsenalin e Izraelit dhe ka shpëtuar jetë të panumërta civilësh gjatë konflikteve të ndryshme në dekadën e fundit, thonë analistët, transmeton klankosova.tv.

Është shumë efektiv, shkruan CNN, ndërsa theksohet se Forcat e Mbrojtjes të Izraelit thanë se sistemi kishte një shkallë suksesi prej 95.6% gjatë një rakete të lëshuar nga Xhihadi Islamik në maj.

Iron Dome është projektuar për të rrëzuar predha që vijnë.

Ai është i pajisur me një radar që zbulon raketat dhe më pas përdor një sistem komandimi dhe kontrolli që llogarit shpejt nëse një predhë në hyrje përbën një kërcënim ose ka të ngjarë të godasë një zonë të papopulluar.

Nëse raketa përbën një kërcënim, Iron Dome lëshon raketa nga toka për t’i shkatërruar në ajër.

Sistemi i lëvizshëm i mbrojtjes ajrore përbëhet nga 10 bateri që secila mban tre deri në katër raketa lëshuese të manovrueshme.

Vendosja e tyre strategjike siguron një pengesë mbrojtëse kundër raketave, mortajave dhe dronëve për deri në 60 milje katrore të zonave të populluara dhe Izraeli në të kaluarën është mburrur me një shkallë suksesi mbi 90%.

11:40 – Egjipti refuzon propozimet për të krijuar korridore për dalje nga Gaza

Egjipti është angazhuar në bisedime intensive me Izraelin dhe Shtetet e Bashkuara për të lejuar dërgimin e ndihmave dhe karburantit përmes pikës së tij të kalimit në Rafah me Rripin e Gazës.

Megjithatë, vendi u tërhoq ndaj propozimeve për krijimin e korridoreve për dalje nga Gaza, duke thënë se një eksod i palestinezëve nga enklava do të kishte pasoja të rënda për çështjen palestineze, raporton Associated Press, transmeton Klankosova.tv.

Qeveria egjiptiane ka refuzuar çdo propozim për të krijuar korridore për dalje jashtë Gazës për palestinezët që ikin nga bombardimet e Izraelit, tha një zyrtar i lartë egjiptian herët të enjten.

Zyrtari, i cili foli në kushte anonimiteti sepse nuk ishte i autorizuar për të informuar mediat, po i përgjigjej zëdhënësit të Sigurisë Kombëtare të Shtëpisë së Bardhë, John Kirby, i cili tha se administrata e Bidenit është në biseda aktive për të arritur një kalim të sigurt nga Gaza për civilët.

Mediat shtetërore të Egjiptit raportuan se ofensiva e Izraelit është pjesë e një skeme për të zbrazur enklavën.

10:47 – Gjermania pezullon ndihmat për Gazën

Kancelari gjerman, Olaf Scholz ka konfirmuar se Gjermania po ndalon të gjithë ndihmën për zhvillim për territoret palestineze derisa të përfundojë një rishikim për të vlerësuar nëse ajo do t’i shërbejë paqes rajonale dhe sigurisë së Izraelit.

“Matësi ynë do të jetë nëse dhe si këto projekte i shërbejnë më së miri paqes në rajon dhe sigurisë së Izraelit”, tha ai. “Derisa të përfundojë ai rishikim, ne nuk do të vëmë në dispozicion asnjë burim të ri të bashkëpunimit për zhvillim”, raporton “euronews”, transmeton Klankosova.tv.

“Mjerisht, ne mund të parashikojmë se vuajtjet e popullatës civile në Rripin e Gazës ka të ngjarë të rriten më tej – por edhe ky është faji i Hamasit dhe sulmi i tij ndaj Izraelit”, shtoi ai.

Rreth 2.1 milionë palestinezë – nga 5.3 milionë – kanë nevojë për ndihmë humanitare, sipas Komisionit Evropian.

Në Rripin e Gazës, KE-ja tha se më shumë se 80 për qind e popullsisë varet nga ndihma për shkak të kufizimeve të vendosura nga Izraeli, të cilat kanë penguar ekonominë e Gazës. /Klankosova.tv

10:36 – Sulmet ajrore izraelite “nuk do të çojnë në paqe”, thotë një anëtar i parlamentit palestinez

Bombardimi i vazhdueshëm ajror i Izraelit ndaj Gazës “nuk do të çojë në paqe”, tha të enjten një anëtar i parlamentit palestinez, teksa bëri thirrje për armëpushim për të ndalur krizën e thelluar humanitare në enklavën me popullsi të dendur.

Duke folur për CNN, Mustafa Barghouti, president i Iniciativës Kombëtare Palestineze (PNI), një parti politike me seli në Bregun Perëndimor, tha se “dehumanizimi i të gjithë palestinezëve gjithashtu nuk do ta zgjidh problemin”, raporton CNN transmeton Klankosova.tv

“Rrethimi i një popullsie të tërë nuk është zgjidhje. Goditja ndaj fëmijëve dhe grave me sulme të tmerrshme ajrore nuk është zgjidhje”, tha ai.

Barghouti bëri thirrje gjithashtu për shkëmbimin “të menjëhershëm” të të burgosurve palestinezë në mënyrë që të lirohen izraelitët e mbajtur peng nga Hamasi.

Një “zgjidhje e menjëhershme mes dy shteteve” është shpresa më e mirë për të arritur paqen e qëndrueshme midis Izraelit dhe palestinezëve, shtoi ai.

“Nuk ka asnjë mënyrë që palestinezët të heqin dorë nga lufta e tyre për liri”, tha Barghouti.

“Ose do të kemi një zgjidhje me dy shtete sa më shpejt të jetë e mundur, ose do të duhet të jemi së bashku me barazi, por palestinezët duhet të trajtohen në mënyrë të barabartë. Dhe kjo do të thotë të drejta të plota demokratike, civile dhe kombëtare për të dy njerëzit”.

10:33 – Blinken zbarkon në Tel Aviv

Sekretari Amerikan i Shtetit, Antony Blinken ka mbërritur në Tel Aviv.

Kryediplomati i Uashingtonit do të takohet sot me zyrtarë izraelitë, raporton “Guardian”, transmeton Klankosova.tv.

Blinken pritet të takohet të premten edhe me presidentin e autoritetit palestinez, Mahmud Abbas.

08:55 – OKB-ja do të mblidhet të premten për të diskutuar mbi Izraelin dhe Gazën

Këshilli i Sigurimit i OKB-së do të mblidhet të premten për të diskutuar konfliktin mes Izraelit dhe Hamasit.

Brazili, i cili aktualisht mban presidencën e rradhës të Këshillit të Sigurimit të OKB-së, thirri takimin “për të adresuar situatën në Rripin e Gazës”, tha ministria e këtij vendi në një deklaratë.

Ministri brazilian i Punëve të Jashtme Mauro Vieira ka ndërprerë një udhëtim në Azi për të udhëtuar në Nju Jork për të marrë pjesë në takim.

Anëtarët e KS të OKB-së ishin të ndarë në lidhje me politikën në lidhje me Izraelin dhe palestinezët në një takim të dielën.

“Fëmijët nuk duhet të mbahen kurrë peng, kudo në botë,” shkroi presidenti brazilian Luiz Inacio Lula da Silva në X, dikur Twitter, të mërkurën, raporton BBC, transmeton Klankosova.tv.

Ai tha se Hamasi duhet të “lirojë fëmijët që janë rrëmbyer nga familjet e tyre”.

Presidenti gjithashtu i bëri thirrje Izraelit që “të ndalojë bombardimet në mënyrë që fëmijët palestinezë dhe nënat e tyre” të largohen nga Gaza përmes Egjiptit.

“Duhet të ketë një minimum njerëzimi në çmendurinë e luftës,” shtoi ai, transmeton Klankosova.tv.

08:52 – Mbi 1200 të vrarë në Gaza

Më shumë se 1200 njerëz janë vrarë në Gaza që kur Izraeli nisi sulmet ajrore të shtunën, sipas Ministrisë palestineze të Shëndetësisë.

5,339 të tjerë janë lënduar, shkruan BBC, transmeton Klan Kosova.

Ndërkohë, agjencia e OKB-së për refugjatët palestinezë thotë se më shumë se 338,000 njerëz janë zhvendosur – shumica janë strehuar në spitale dhe shkolla të OKB-së.

08:48 – Tre shtetas kanadezë në mesin e të vrarëve nga sulmet në Izrael

Tre shtetas kanadezë janë në mesin e të vrarëve në Izrael si pasojë e sulmeve të Hamasit që nisën të shtunën.

Po ashtu edhe tre të tjerë janë të zhdukur, bëri të dikur ministrja e Jashtme kanadeze, Melanie Joly.

Ajo tha se avionët ushtarakë kanadezë do të fillojnë t’i mundësojnë fluturim qytetarëve dhe banorëve të përhershëm nga Tel Avivi për në Athinë, si hap të parë.

Joly shtoi se më shumë se 4 mijë e 700 qytetarë kanadezë dhe rezidentë të përhershëm në Izrael, Gaza dhe Bregun Perëndimor ishin të regjistruar në qeveri.

Ajo nuk dha ndonjë detaj se sa prej tyre do të evakuoheshin, raporton BBC, transmeton Klankosova.tv.

12.10.2023 – 08:40 – Ushtria izraelite thotë se po përgatitet për një operacion tokësor në Gaza

Ushtria izraelite thotë se po përgatitet për një operacion të mundshëm tokësor në Gaza, por se lidershipi politik ende nuk ka vendosur për një të tillë.

Nënkoloneli Richard Hecht u tha gazetarëve të enjten se forcat “po përgatiten për një manovër tokësore nëse vendoset”, raporton Associated Press, transmeton Klankosova.tv.

Izraeli ka thirrur rreth 360 mijë rezervistë të ushtrisë dhe ka kërcënuar një përgjigje të paprecedentë ndaj inkursionit të përgjakshëm dhe të gjerë të Hamasit gjatë fundjavës. Ajo ka nisur sulme ajrore intensive në Gaza që nga sulmi i Hamasit të shtunën, pasi militantët kanë lëshuar mijëra raketa në Izrael.

23:50 – Bideni konfirmon raportimet për fëmijë me koka të prera nga Hamasi

Presidenti Joe Biden iu drejtua mbrëmjen e sotme një tryeze të rrumbullakët të liderëve hebrenj, duke e quajtur sulmin e Hamasit një akt “të keq absolut” dhe tha se mund të shihte dhimbjen në fytyrat e disa të pranishmëve.

“New York Times”, duke raportuar direkt nga ngjarja, tha se disa nga të pranishmit po i fshinin lotët teksa Bideni po fliste.

Në një moment, Bideni tha se i ka parë pamjet e fëmijëve me koka të prera nga Hamasi.

“Kurrë nuk e kam menduar se do të shihja dhe të kisha (pamje) të konfirmuara të terroristëve duke ua prerë kokën fëmijëve. Kurrë s’e kam menduar…”, tha Presidenti Biden, duke iu referuar raporteve që kanë qarkulluar rreth mizorive të kryera nga terroristët e Hamasit.

Zëri i tij u ngrit në një moment kur tregoi se i kishte dërguar secilin prej nipërve të tij në kampin e përqendrimit në Dachau, ku hebrenjtë u vranë nga qeveria naziste. “Dua që ata të shohin”, bërtiti ai.

Presidenti Biden tha po ashtu se do të ndihmojë në negocimin e kthimit të amerikanëve të mbajtur peng nga Hamasi. Mirëpo shtoi se do të ishte “bizare” të flitej për detajet e këtyre negociatave në publik.

Presidenti Biden mori duartrokitje të vazhdueshme nga udhëheqësit hebrenj teksa doli nga dhoma.

22:35 – Lufta Hamas – Izrael, presidenti i autoritetit palestinez nesër do të takohet me Blinkenin

Presidenti i autoritetit palestinez, Mahmoud Abbas, do të takohet nesër me Sekretarin amerikan të Shtetit, Antony Blinken.

Takimi i Abbasit me Blinken vjen pas vizitës që ky i fundit do ta bëjë nesër në Izrael pas sulmeve që shteti hebre po përballet nga Hamasi.

“Blinken do të angazhojë drejtpërdrejt partnerët tanë izraelitë për situatën në terren dhe se si ne mund të vazhdojmë t’i mbështesim më së miri ata në luftën e tyre kundër terroristëve që nisën këto sulme të tmerrshme”, tha Departamenti Amerikan i Shtetit, transmeton Klankosova.tv.

Po ashtu, DASh theksoi se mbështetja e ShBA-së për Izraelin do të jetë e palëkundur në luftën kundër Hamasit.

20:46 – Arrin në 22 numri i shtetasve amerikanë të vrarë nga sulmet në Izrael

Të paktën 22 shtetas amerikanë janë vrarë deri më tani që kur Hamasi sulmoi Izraelin.

“Shprehim ngushëllimet tona më të thella për viktimat dhe familjet e të gjithë të prekurve”, tha një zëdhënës i Departamentit të Shtetit të mërkurën pasdite.

Kjo shifër nënkupton një rritje nga numri 14 që u konfirmua dje, raporton BBC, transmeton Klankosova.tv.

16:54 – Izraeli formon qeveri emergjente me opozitën

Kryeministri i Izraelit, Benjamin Netanyahu dhe lideri i opozitës, Benny Gantz kanë rënë dakord të formojnë një qeveri emergjente.

Do të ngrihet gjithashtu një “kabinet lufte” – me Netanyahun, Gantz dhe ministrin e mbrojtjes të vendit, raporton BBC, transmeton Klankosova.tv.

Kjo do të thotë se gjatë periudhës së luftës, “nuk do të promovohet asnjë projektligj apo vendim i qeverisë që nuk ka të bëjë me zhvillimin e luftës” dhe të gjitha emërimet e pozitave të larta do të zgjaten me automatizëm gjatë periudhës së luftës. /Klankosova.tv

13:48 – Mbërrin në Izrael sekretari i Jashtëm i Mbretërisë së Bashkuar

Sekretari i Jashtëm i Mbretërisë së Bashkuar, James Cleverly, ka mbërritur në Izrael, raporton BBC, transmeton Klan Kosova.

“Sekretari i Jashtëm ka mbërritur sot në Izrael për të demonstruar solidaritetin e palëkundur të Mbretërisë së Bashkuar me popullin izraelit pas sulmeve terroriste të Hamasit”, tha një zëdhënës i qeverisë.

“Ai do të takohet me të mbijetuarit e sulmeve dhe liderë të lartë izraelitë për të përshkruar mbështetjen e Mbretërisë së Bashkuar për të drejtën e Izraelit për të mbrojtur veten”.

13:17 – Numri i të vdekurve në Gaza rritet në 1055, thotë ministria palestineze e shëndetësisë

Të paktën 1,055 njerëz janë vrarë në Gaza që kur Izraeli filloi sulmet ajrore në enklavën palestineze të shtunën në përgjigje të sulmeve të Hamasit, tha të mërkurën Ministria palestineze e Shëndetësisë në Gaza.

5,184 persona të tjerë janë lënduar, tha kjo ministri, raporton CNN, transmeton Klankosova.tv.

Që nga e shtuna, të paktën 1200 njerëz kanë vdekur në Izrael, sipas Forcave të Mbrojtjes të Izraelit.

Kriza humanitare: Ministri izraelit i Mbrojtjes Yoav Gallant urdhëroi të hënën një “rrethim të plotë” të Gazës dhe tha se do të ndalonte furnizimin me energji elektrike, ushqim, ujë dhe karburant në enklavë.

Qeveria e kontrolluar nga Hamasi në Gaza tha të mërkurën se furnizimi me energji elektrike “do të ndalojë plotësisht brenda disa orësh”, duke kufizuar aftësinë për të ofruar shërbime bazë.

Të hënën, Agjencia e Kombeve të Bashkuara për Ndihmë dhe Punë (UNRWA) tha se është detyruar të mbyllë të 14 qendrat e saj të shpërndarjes së ushqimit në Gaza dhe “si rezultat gjysmë milioni njerëz kanë ndaluar marrjen e ndihmës jetike ushqimore”.

Gaza është një nga vendet më të dendura të populluara në Tokë, ku rreth 2 milionë njerëz jetojnë në një sipërfaqe prej 140 miljesh katrorë. Më shumë se gjysma e popullsisë së saj jeton në varfëri dhe është e pasigurt ushqimore, me gati 80% që mbështeten në ndihmën humanitare.

12:49 – Ka arritur dërgesa e parë e armëve amerikane nga SHBA-ja, thotë Izraeli

Forcat e Mbrojtjes së Izraelit thanë se avioni i parë me armatim amerikan arriti në bazën ajrore Nevatim në Izraelin jugor të martën vonë në mbrëmje.

Bashkëpunimi mes ushtrive tona është një pjesë kyçe e sigurimit të sigurisë dhe stabilitetit rajonal në kohë lufte”, tha IDF në X.

Ministria e Mbrojtjes e Izraelit publikoi një video të dërgesës. Ai tha në X se pajisjet ishte “prokuruar dhe sjellë në Izrael nga DOPP [Departamenti i Prodhimit dhe Prokurimit] i Ministrisë së Mbrojtjes të Izraelit, Misioni i Prokurimit të SHBA-së dhe Njësia e Transportit Ndërkombëtar”, raporton CNN, transmeton Klankosova.tv.

Presidenti i SHBA-së, Joe Biden telefonoi kryeministrin izraelit Benjamin Netanyahu të shtunën, për të theksuar mbështetjen e vazhdueshme të vendit të tij për Izraelin.

Në komentet e bëra në Shtëpinë e Bardhë të martën, Biden dënoi “të keqen e pastër, të paprekur” të sulmuesve të Hamasit dhe konfirmoi se të paktën 14 qytetarë amerikanë ishin në mesin e të vrarëve në Izrael.

Biden tha gjithashtu se do t’i bënte thirrje Kongresit të miratojë më shumë fonde për Izraelin për ta ndihmuar atë të mbrojë territorin dhe popullin e tij. Ai premtoi se administrata e tij nuk do të lejonte që Izraeli t’i mbarojë municionet dhe interceptorët për sistemin e tij të mbrojtjes ajrore Iron Dome, i cili synon të gjuajë raketa nga ajri përpara se të godasin territorin izraelit.

Koordinatori i Këshillit të Sigurisë Kombëtare të Shtëpisë së Bardhë për Komunikimet Strategjike, John Kirby i tha CNN të martën se Shtëpia e Bardhë po zhvillon “biseda aktive” me Izraelin në përpjekje për të sjellë në shtëpi qytetarët amerikanë në paraburgim të Hamasit.

11:37 – Forcat Ajrore izraelite konfirmojnë sulmin ndaj Universitetit Islamik në Gaza

Dje në mbrëmje BBC raportoi se një pjesë e Universitetit Islamik në qytetin e Gazës ishte shkatërruar nga sulmet ajrore izraelite.

Forcat Ajrore izraelite tani e kanë konfirmuar sulmin në një postim në platformën X , i njohur më parë si Twitter.

IAF thotë se ata sulmuan universitetin sepse ai “shërben si një qendër kryesore trajnimi për inxhinierët e Hamasit” dhe është “një qendër e rëndësishme e fuqisë politike dhe ushtarake”, dhe se Hamasi e përdori vendin për të prodhuar armë.

10:59 – Spitalet në Gaza janë të mbingarkuar, thotë agjencia e ndihmës

Spitalet në Gaza janë të mbingarkuar dhe po përjetojnë mungesë të barnave, furnizimeve mjekësore dhe energjisë elektrike, paralajmëroi Médecins Sans Frontières (MSF) të mërkurën, ndërsa një krizë humanitare po shpaloset me shpejtësi në enklavën palestineze nën bombardimet izraelite.

Izraeli ka rritur ofensivën ajrore në Gaza pas sulmit të Hamasit në fundjavë, duke lënë qindra mijëra të zhvendosur, shumë prej tyre të shkëputur nga ushqimi dhe energjia elektrike.

Në një deklaratë, Avril Benoit, drejtoreshë ekzekutive e MSF-USA, tha se agjencia e ndihmës e njohur gjithashtu si Mjekët pa Kufij – “po shihte mungesa të ujit, energjisë elektrike dhe karburantit, tek të cilat spitalet mbështeten për gjeneratorët e tyre”, raporton CNN, transmeton Klankosova.tv.

“Disa spitale kanë karburant të mjaftueshëm vetëm për katër ditë” tha ajo.

Një klinikë MSF në qytetin e Gazës u “dëmtua pak” nga një shpërthim të hënën, por është ende funksionale, tha Benoît. Një infermiere dhe shofer i ambulancës u vranë në sulme dhe disa të tjerë u plagosën, shtoi ajo.

Numri i të vdekurve në Gaza u rrit në 950 dhe 5000 të tjerë janë plagosur në sulmet ajrore izraelite, sipas Ministrisë së Shëndetësisë të Gazës të mërkurën.

Të paktën 1200 njerëz kanë vdekur në Izrael pas sulmit të paprecedentë të Hamasit të shtunën, sipas Forcave të Mbrojtjes të Izraelit.

MSF tha se aktualisht nuk operon programe mjekësore në Izrael, por ka ofruar mbështetjen e saj për spitalet izraelite që trajtojnë “një numër të madh viktimash”.

10:32 – Papa bën thirrje për lirimin e të gjithë pengjeve të mbajtur nga Hamasi

Papa Françesku ka bërë thirrje për lirimin e të gjithë pengjeve të mbajtura nga Hamasi.

Ai tha se ishte shumë i shqetësuar nga “rrethimi total” i vendosur nga Izraeli në Gaza, raporton “Guardian”, transmeton Klankosova.tv.

10:22 – Konflikti Izrael-Hamas merr jetën e shtatë gazetarëve

Gazetarët po sakrifikohen teksa po mbulojnë luftën mes Izraelit dhe Hamasit.

Të paktën shtatë prej tyre janë vrarë në Rripin e Gazës që kur Hamasi filloi sulmin e tij të pacipë të shtunën, sipas grupeve të lirisë së shtypit dhe raporteve të medias.

Ky numër mund të rritet edhe më tej në ditët në vijim pasi Izraeli kryen sulme hakmarrëse kundër Hamasit, ndërkohë që grupi terrorist vazhdon të kryejë ofensivën e tij kundër shtetit hebre.

Gjakderdhja nënvizon rrezikun e madh që gazetarët marrin përsipër ndërsa raportojnë nga zonat e konfliktit, duke mbledhur informacion në rrethana jashtëzakonisht të vështira për të mbajtur botën të informuar dhe për t’i mbajtur autoritetet përgjegjëse për atë që po ndodh në terren, raporton CNN, transmeton Klankosova.tv.

“Në shumë mënyra, gazetarët më të cenueshëm janë ata që duhen më shumë”, vuri në dukje të martën Sherif Mansour, një koordinator i Komitetit për Mbrojtjen e Gazetarëve që mbikëqyr Lindjen e Mesme.

08:44 – Izraeli pretendon se ka shkatërruar vendin që përdorte Hamasi për t’i zbuluar avionët luftarakë

Ndërsa sulmet ajrore në Gaza vazhdojnë, ushtria izraelite thotë se ka shkatërruar një vend që Hamasi përdorte për të zbuluar avionët luftarakë mbi Rripin e Gazës.

Forcat ajrore të vendit gjithashtu postuan në Twitter se avionët luftarakë gjatë natës goditën mbi 80 vende në Beit Hanoun në Gaza, “përfshirë dy degë bankash të përdorura nga Hamasi për financimin e terrorizmit në Gaza, një tunel nëntokësor dhe dy qendra komanduese operacionale të përdorura nga Hamasi për të drejtuar aktivitetet terroriste kundër Izraelit”, raporton BBC, transmeton Klankosova.tv.

Ata gjithashtu goditën vende të tjera duke përfshirë dy komplekse të përdorura për stërvitje dhe ruajtjen e armëve.

08:11 – Netanyahu i thotë Bidenit se sulmuesit e Hamasit janë më të këqij sesa të ISIS-it (VIDEO)

Kryeministri izraelit, Benjamin Netanyahu, përmes një telefonate e ka falënderuar presidentin amerikan, Joe Biden, për mbështetjen e tij.

Ai tha se sulmi i Hamasit ishte një nga sulmet më të këqija ndaj hebrenjve që nga Holokausti, shkruan BBC, transmeton Klan Kosova.

08:05 – Mbi 260 mijë veta zhvendosen nga Gaza

Më tepër se 260 mijë njerëz janë zhvendosur nga shtëpitë e tyre në Gaza, derisa forcat e Izraelit vazhdojnë bombardimet në enklavën palestineze.

Sipas Kombeve të Bashkuara ky është numri më i madh i njerëzve të zhvendosur që prej 50 ditëshit të eskalimit në 2014. Por ky numër pritet që të rritet edhe më, raporton BBC, përcjell KlanKosova.tv.

Rripi i Gazas është shtëpia e mbi 2.3 milionë njerëzve dhe ka njërën nga dendësitë më të mëdha të popullsisë në botë.

Bombardimet e fundit atje kanë shkatërruar mbi 1,000 njësi banimi.

08:00 – Shkon në 950 numri i të vrarëve në Gaza, të paktën 30 të vdekur gjatë natës së fundit

Të paktën 30 persona kanë vdekur në sulmet ajrore izraelite gjatë natës, ka thënë një zëdhënës i Hamasit.

Ndërsa numri total i të vrarëve ka shkuar në 950 në Rripin e Gazës që kur Izraeli nisi sulmet ajrore të shtunën, thotë Ministria e Shëndetësisë palestineze, raporton BBC, transmeton Klankosova.tv.

Forcat izraelite thanë se sulmuan 200 objektiva në Gaza të martën mbrëma.

23:54 – Hamasi publikon video të sulmit në kibuc

Ndërsa militantët e Hamasit hynë në territorin izraelit, disa nga luftëtarët me sa duket filmuan sulmin e tyre të befasishëm.

Kjo pamje është publikuar nga grupi militant dhe tregon sulmin e tij në Kfar Aza, raporton Sky news, transmeton Klankosova.tv.

Ata sulmuan një kibuc (lokalitet izraelit, zakonisht me popullsi agrare), duke vrarë dhe kapur ushtarë dhe civilë izraelitë.

Të paktën 1,900 njerëz janë vrarë nga të dyja palët gjatë këtij konflikti deri më tani, dhe OKB-ja ka paralajmëruar se ka “prova të qarta” të krimeve të luftës që janë kryer nga Hamasi dhe forcat izraelite.

KUJDES: PAMJE TË RËNDA – KLIKONI KËTU PËR T’I PARË

21:23 – Në mesin e viktimave nga masakra në Kfar Aza, të paktën 40 foshnje

Forcat izraelite morën dhjetëra gazetarë të huaj për të parë trupat e viktimave nga masakra në Kfar Aza.

Në mesin e viktimave ishin të paktën 40 foshnje, raporton Timesofisrael.com, transmeton Klankosova.tv.

“Nuk është luftë”, u tha gazetarëve gjenerali Itai Veruv, kreu i Komandës së Thellësisë së IDF. “Nuk është një fushë beteje. Ju shihni foshnjat, nënat, baballarët në dhomat e tyre të gjumit, në dhomat e tyre të mbrojtjes dhe se si terroristët i vrasin ata. Nuk është luftë, është masakër”.

“Është diçka që nuk e kam parë kurrë në jetën time. Është diçka që dikur e imagjinoja për gjyshen dhe gjyshin tim në Evropë dhe vende të tjera”, tha ai.

Një reportere nga “i24 News” tha se një komandant i IDF i tha asaj se kishin gjetur trupat e rreth 40 foshnjave, disa prej të cilëve u ishin prerë kokat.

Për këtë masakër forcat izraelite po e drejtojnë gishtin nga organizata terroriste e Hamasit. /Klankosova.tv

17:23 – Lufta në Izrael: Mbi 1830 izraelitë e palestinezë të vrarë

Numri i të vdekurve nga lufta e shpallur mes Izraelit dhe Hamasit ka shkuar në 1830.

Një zyrtar ushtarak izraelit ka thënë se numri i të vdekurve nga sulmi i Hamasit ndaj Izraelit është rritur mbi 1000, raporton SkyNews.

“Ne do të shkojmë në sulm dhe do të sulmojmë grupin terrorist Hamas dhe çdo grup tjetër që është në Gaza”, tha gjeneral brigade Dan Goldfus.

Ndërkaq, numri i palestinezëve të vrarë në aksionin hakmarrës izraelit ka arritur në të paktën 830, tha ministria e shëndetësisë e Gazës.

Të plagosur në Gaza deri më tani janë 4 mijë e 250 persona, raporton Al Jazeera, transmeton Klankosova.tv

16:39 – Shpërthime të fuqishme në Ashkelon, Hamasi paralajmëroi banorët

Hamasi ka paralajmëruar banorët e qytetit izraelit, Ashkelon, që të largohen deri në orën 17:00 me orën lokale (15:00 BST), duke kërcënuar me sulm.

Ai afat tashmë po kalon, dhe aty raportohet të jenë dëgjuar disa shpërthime të fuqishme, transmeton klankosova.tv.

”Banorët vendas gjenden nën një strehë dhe të gjithë po shikojnë telefonat e tyre dhe presin me ankth të shohin se çfarë do të ndodhë më pas”, raporton për bbc, Alice Cuddy.

15:45 – Putin thotë se lufta e fundit në Gaza është rezultat i dështimeve të politikës amerikane

Presidenti rus Vladimir Putin e përshkroi të martën luftën e fundit izraelito-palestineze si rezultat i politikës së jashtme të dështuar të SHBA-së.

Duke folur në fillim të bisedimeve të tij me kryeministrin irakian Mohammed Al-Sudani, Putin tha në komentin e tij të parë mbi luftën se “shumë do të pajtohen me mua se ky është një shembull i gjallë i dështimit të politikave të SHBA-së në Lindjen e Mesme ”, raporton Associated Press, transmeton Klankosova.tv

Ai shtoi se SHBA-ja “është përpjekur të monopolizojë zgjidhjen, por, për fat të keq, nuk është munduar të kërkojë kompromise që do të ishin të pranueshme për të dyja palët dhe, pikërisht e kundërta, u përpoqën të zbatonin pikëpamjen e tyre se si duhet bërë. duke ushtruar presion mbi të dyja palët”.

Putin tha se SHBA-ja ka dështuar “të marrë parasysh interesat jetike të popullit palestinez”, duke injoruar rezolutat e Asamblesë së Përgjithshme të OKB-së që parashikojnë krijimin e një shteti të pavarur palestinez.

15:34 – Dy shtetas rusë të vrarë në sulmet e Hamasit në Izrael

Ambasadori rus në Izrael tha se dy shtetas rusë janë vrarë në luftën e fundit izraelito-palestineze.

Ambasadori, Anatoly Viktorov nuk përmendi emrat e viktimave, duke thënë në komentet e transmetuara nga Kanali 1 i Rusisë se ambasada nuk është në dijeni të rrethanave të vdekjes së tyre dhe nuk ka kontaktuar ende me familjet e tyre, raporton Associated Press, transmeton Klankosova.tv.

Viktorov tha se katër shtetas të tjerë rusë mbeten të zhdukur. Ai tha se ambasada nuk ka asnjë informacion që konfirmon pretendimin e Hamasit se disa shtetas rusë ishin mes pengjeve që ka marrë.

15:17 – Kina bën thirrje për armëpushim

Kina ka bërë thirrje për një armëpushim të menjëhershëm dhe ka dënuar aktet që po dëmtojnë civilët palestinezë dhe izraelitë.

Kështu ka deklaruar i dërguari special i Kinës për Lindjen e Mesme, Zhai Jun, shkruan Skynews, transmeton Klankosova.tv.

“Kina është thellësisht e shqetësuar për përshkallëzimin aktual të tensionit dhe dhunës midis palëve palestineze dhe izraelite dhe është e pikëlluar nga numri i madh i viktimave civile të shkaktuara nga konflikti”, tha Zhai Jun, i dërguari special i Kinës për Lindjen e Mesme.

“Ne kundërshtojmë dhe dënojmë aktet që dëmtojnë civilët dhe bëjmë thirrje për një armëpushim të menjëhershëm”.

14:56 – OKB-ja paralajmëron për dëmtimin e banesave në Gaza, e quan rrethimin e plotë shkelje të ligjit ndërkombëtar

Shefi i Kombeve të Bashkuara për të drejtat e njeriut i kërkoi komunitetit ndërkombëtar që të qetësojë atë që ai e quajti “një fuçi shpërthyese” në Izrael.

Volker Türk u bëri thirrje grupeve të armatosura palestineze që të lirojnë menjëherë dhe pa kushte të gjithë civilët që janë marrë peng dhe ende mbahen, duke thënë se marrja e pengjeve është kundër ligjit ndërkombëtar.

Ai tha se informacioni i mbledhur nga zyra e tij tregon se operacionet ajrore izraelite kanë goditur ndërtesa të mëdha banimi në qytetin e Gazës dhe ndërtesa të tjera banimi në të gjithë Gazën, shkolla dhe ambiente të agjencisë së OKB-së për ndihmë dhe punë, UNRWA, duke rezultuar në viktima civile, raporton NBC News, transmeton Klankosova.tv.

Ai paralajmëroi gjithashtu se një rrethim i plotë i Gazës, i shpallur nga Izraeli të hënën, është i ndaluar sipas ligjit ndërkombëtar humanitar, pasi privon civilët atje nga mallrat thelbësore për mbijetesën e tyre dhe rrezikon të komplikojë seriozisht situatën tashmë të tmerrshme të të drejtave të njeriut dhe humanitare në enclave, e cila është shtëpia e 2 milionë njerëzve.

14:17 – Hamasi: Nuk do të negociojmë për pengjet derisa të përfundojnë luftimet

Ismail Haniyeh, kreu i byrosë politike të Hamasit, thotë se nuk do të negociojnë me Izraelin për pengjet derisa të mbarojnë luftimet.

“Ne kemi njoftuar të gjitha palët që na kanë kontaktuar në lidhje me robërit e armikut të mbajtur nga rezistenca se kjo dosje nuk do të hapet para përfundimit të betejës”, thotë ai. “Dhe do të jetë vetëm me një çmim që rezistenca do ta pranojë”.

Izraeli vlerëson se Hamasi po mban mes 100 dhe 150 njerëz që u rrëmbyen nga Izraeli jugor të shtunën, raporton BBC, transmeton Klankosova.tv.

14:09 – Udhëheqësi suprem i Iranit: Teherani nuk ishte i përfshirë në sulmin e Hamasit ndaj Izraelit

Udhëheqësi suprem i Iranit, Ayatollah Ali Khamenei tha të martën se Teherani nuk ishte i përfshirë në sulmin e Hamasit ndaj Izraelit, por ai vlerësoi sulmin që la më shumë se 900 njerëz të vdekur.

“Përkrahësit e regjimit sionist dhe disa nga ai regjim uzurpues kanë thënë disa marrëzi ditët e fundit se Republika Islamike e Iranit qëndron pas këtij akti. Ata e kanë gabim”, tha ai.

“Ata që thonë se aktet e palestinezëve vijnë nga jo-palestinezë, nuk kanë një kuptim të vërtetë të popullit palestinez dhe bëjnë llogaritje të gabuara”, raporton CNN, transmeton KlanKosova.tv.

Zëvendës-këshilltari i Sigurisë Kombëtare i Shteteve të Bashkuara, Jon Finer, tha se nuk ka asnjë “informacion të drejtpërdrejtë” që lidh këto sulme me Iranin në këtë moment, por se SHBA-ja beson se Irani është “gjërësisht bashkëpunëtor” në sulmet e Hamasit në Izrael.

12:40 – Shkon në 770 numri i të vrarëve në Gaza

Ministria e Shëndetësisë e Palestinës ka njoftuar se 770 njerëz janë vrarë në Rripin e Gazës.

Ndërsa sipas këtij njoftimi, mbi katër mijë persona kanë mbetur të lënduar, shkruan BBC, transmeton Klankosova.tv.

11:51 – Lideri iranian: Puthim dorën e atyre që planifikuan sulmin ndaj regjimit sionist

Lideri suprem i Iranit, Ajetullah Ali Khamenei, e ka mohuar përfshirjen e Iranit në sulmin vrastar të Hamasit ndaj Izraelit të shtunën.

Mirëpo, sipas një përkthimi nga Reuters, ai ka thënë: “Puthim duart e atyre që e planifikuar sulmin ndaj regjimit sionist”.

Irani njihet si financues i Hamasit, dhe furnizues i tyre me armë dhe stërvitje.

11:34 – Deri në 150 pengje në Gaza, thotë ambasadori izraelit në OKB

Ambasadori i Izraelit në Kombet e Bashkuara, Gilad Erdan, thotë se “midis 100 dhe 150” pengje po mbahen në Gaza, pasi u rrëmbyen nga Izraeli.

Vlerësimet e mëparshme e kanë vendosur shifrën në “dhjetëra” dhe rreth 100.

Mëngjesin e sotëm, zëdhënësi i ushtrisë izraelite Daniel Hagari tha se familjet e 50 pengjeve janë njoftuar nga ushtria, raporton BBC, transmeton Klankosova.tv.

“Më shumë familje do të kontaktohen pasi ushtria verifikon informacionin”, tha ai.

Mbrëmë, Hamasi tha se do të ekzekutonte pengjet nëse Izraeli do të kryente sulme ajrore pa paralajmërim.

11:24 – Raz dhe Aviv u morën peng nga shtëpia e gjyshes, militantët e Hamasit i futën në kamion

”Izraeli është në luftë pasi militantët e Hamasit nisën një sulm shkatërrues”, kështu ka deklaruar kryeministri Benjamin Nentayahu duke se ditët vijuese do të jenë të vështira.

Hamasi, grupi militant palestinez që ‘sundon’ Rripin e Gazës, nisi një sulm të gjerë të shumëfishtë kundër Izraelit të shtunën, përcjell klankosova.tv.

Mijëra raketa u hodhën nga Gaza ndërsa militantët depërtuan në komunitetet izraelite, duke masakruar qindra dhe rrëmbyer rreth 150 pengje.

Izraeli nisi një valë sulmesh ajrore si hakmarrje dhe ka vendosur një “rrethim të plotë” në Rripin e Gazës, duke ndërprerë energjinë elektrike, ushqimin, ujin dhe gazin për 2.3 milionë banorë.

Nga ana tjetër, Hamasi ka paralajmëruar se do fillojë të transmetojë video të ekzekutimit të pengjeve nëse Izraeli merret me ‘civilët e pafajshëm’.

Qindra civilë të pafajshëm, duke përfshirë fëmijë, besohet se janë marrë peng në Izrael nga Hamasi.

Autoritetet izraelite nuk kanë dhënë ende detaje specifike në lidhje me numrin dhe identitetin e viktimave të rrëmbyera, megjithatë, një vlerësim paraprak i ndarë nga një zyrtar i lartë ushtarak thotë se janë 150 persona janë kapur.

Midis tyre janë 5-vjeçarja Raz dhe 3-vjeçarja Aviv. Prindërit e dy të miturave janë të shkatërruar.

Babai i tyre Yoni Asher thotë se i pa vajzat e tij në një video të terroristëve, duke shtuar se i kishin futur në një kamion, të rrethuar nga burra me armë në duar.

Ai sipas tvKlan, ende s’ka kontakt as me gruan e tuj, Doron Asher Katz, 34 vjeç. Kjo e fundit ndodhej te shtëpia e prindërve në Izraelin Jugor. Nuk dihet nëse ajo është rrëmbyer apo vrarë.

”Ajo më tha se terroristët i kishin shkuar në shtëpi, telefoni u shkëput”, thotë Yoni./tvklan.al

10:01 – OKB: Mbi 187 mijë njerëz të zhvendosur në Gaza

Më shumë se 187 mijë njerëz janë zhvendosur në të gjithë Rripin e Gazës, sipas agjencisë së OKB-së që punon me refugjatët palestinezë.

Në përditësimin e saj të fundit, UNRWA tha se 187,518 janë detyruar të ikin – një shifër që ajo thotë se “pritet të rritet më tej”, shkruan Euronews, transmeton Klan Kosova.

Gati 137 mijë persona të zhvendosur brenda vendit (PZHBV) janë strehuar në 83 shkolla të UNRWA në të gjithë enklavën e rrethuar palestineze, ndërsa vazhdojnë sulmet e rënda ajrore izraelite.

“Kushtet janë të vështira, me disa strehimore të mbipopulluara dhe me disponueshmëri të kufizuar të ujit të pijshëm”, shtoi ai.

Zyra në terren e UNRWA në Gaza ka “pësuar dëme kolaterale për shkak të sulmeve ajrore”. Ndërtesa të tjera të agjencisë së OKB-së, si shkolla, qendra shëndetësore dhe një qendër rehabilitimi për personat me shikim të dëmtuar, janë dëmtuar.

Pothuajse gjysmë milioni njerëz në Gaza nuk kanë qenë në gjendje të marrin racione ushqimore të OKB-së këtë javë pasi qendrat e shpërndarjes janë mbyllur, së bashku me shkollat.

10:00 – Blinken: ShBA-ja mbështet mbrojtjen e Izraelit kundër “sulmit terrorist të Hamasit”

Sekretari amerikan i Shtetit, Antony Blinken ka folur me Ministrin e Jashtëm izraelit, Eli Cohen të hënën për të diskutuar mbështetjen për Izraelin pasi ky vend “mbron veten kundër sulmit terrorist të Hamasit”.

Blinken i shprehu ngushëllimet ministrit të Jashtëm dhe ripohoi përpjekjet e ShBA-së për të siguruar lirimin e pengjeve të kapur nga militantët e Hamasit, raporton CNN, trasnmeton KlanKosova.tv.

Pengët përfshijnë izraelitë dhe shtetas të huaj, përfshirë brazilianë dhe meksikanë. Të hënën, presidenti Joe Biden tha në një deklaratë se kishte “të ngjarë” që shtetasit amerikanë mund të jenë në mesin e atyre që mbahen rob.

Blinken foli gjithashtu me Ministren e Jashtme franceze, Catherine Colonna dhe përshëndeti përpjekjet franceze dhe evropiane “drejt qëllimit tonë të përbashkët për t’i dhënë fund dhunës së Hamasit”.

09:08 – Shkatërrimi i Hamasit është një prioritet për Izraelin, thotë ambasadori, pasi grupi militant kërcënon pengjet

Izraeli po godet në mënyrë të përsëritur Gazën me sulme ajrore vdekjeprurëse, duke zhvendosur më shumë se 100,000 njerëz dhe duke dërguar valët e palestinezëve të plagosur në spitalet e mbingarkuara, ndërsa liderët ushtarakë ndjekin urdhrat e një “rrethimi të plotë” të brezit bregdetar me popullsi të dendur.

Ambasadori i Izraelit në Kombet e Bashkuara i tha CNN-it të hënën se prioriteti i vendit është “të zhdukë aftësitë terroriste të Hamasit”, pasi grupi militant kërcënoi të vriste pengjet civile dhe të transmetonte ekzekutimet nëse sulmet ajrore synojnë Gazën pa paralajmërim.

“Sigurisht, ne duam t’i shohim të gjithë djemtë, vajzat, gjyshet tona, të gjithë ata që u rrëmbyen ne duam t’i shohim në shtëpi, por tani fokusi ynë është të shikojmë strategjinë tonë kombëtare është të zhdukim aftësitë terroriste të Hamasit”, tha Gilad Erdan, transmeton KlanKosova.tv.

Erdan tha se numri i njerëzve që besohet se janë marrë peng në Gaza, pas sulmit të papritur shkatërrues të Hamasit në tokën izraelite, vlerësohet të jetë midis 100 dhe 150. Të dielën, Hamasi pretendoi se mbante më shumë se 100 pengje në Gaza, duke përfshirë oficerë të lartë të ushtrisë izraelite.

Erdan shtoi se prania e pengjeve në Gaza “nuk do të na ndalojë, nuk do të na pengojë të bëjmë atë që duhet të bëjmë për të siguruar të ardhmen e Izraelit”.

Kryeministri izraelit, Benjamin Netanyahu, ka lëshuar paralajmërime të tmerrshme për Hamasin të hënën, duke thënë se forcat izraelite do të sulmojnë me një forcë “si kurrë më parë” dhe se shkatërrimi i bastioneve të Hamasit në Gaza është “vetëm fillimi”.

08:48 – Sulmi ajror në qytetin e Gazës vret dy gazetarë palestinezë

Një sulm ajror izraelit në qytetin e Gazës vrau dy gazetarë palestinezë herët të martën, sipas agjencisë palestineze të lajmeve Wafa.

Wafa i identifikoi gazetarët si redaktori, Saeed Al-Taweel dhe fotografi Mohammed Sobih. Sulmi ajror ndodhi pranë një zone ku kishte disa zyra mediash.

Tre gazetarë palestinezë thuhet se u qëlluan dhe u vranë ndërsa raportonin në Gaza të shtunën. Komiteti për Mbrojtjen e Gazetarëve, duke cituar grupet palestineze të lirisë së shtypit, identifikoi dy prej tyre si fotografi Ibrahim Mohammad Lafi dhe reporterin Mohammad Jarghoun. CPJ tha se konfirmoi se gazetari i pavarur Mohammad El-Salhi gjithashtu u vra, raporton Associated Press, transmeton Klankosova.tv.

08:34 – Trupat e 1500 militantëve të Hamasit janë gjetur, thotë ushtria izraelite

Ushtria izraelite thotë se trupat e 1500 militantëve të Hamasit janë gjetur në Izrael dhe rreth Rripit të Gazës.

Raportohet se evakuimi i të gjitha komuniteteve izraelite pranë Rripit të Gazës ishte pothuajse i plotë, raporton BBC, transmeton Klankosova.tv.

10.10.2023 -08:23 – Kufiri me Gazën është siguruar, thotë ushtria izraelite

Ushtria izraelite thotë se ka rimarrë kontrollin e kufirit me Gazën.

Zëdhënësi i Forcave Mbrojtëse të Izraelit, Daniel Hagari, tha se nuk kishte pasur inkursione gjatë ditës së kaluar.

Ai tha se inxhinierët po minonin zonat ku janë shkatërruar pjesët e gardhit, raporton BBC, transmeton Klankosova.tv.

Militantët e Hamasit depërtuan nëpër barrierë në shumë vende përpara se të nisnin sulmin e tyre të shtunën.

23:02 – Izraeli thotë se do të sulmojnë Gazën edhe nëse nga kjo dëmtohen izraelitët e zënë robër

Ushtria izraelite tha se sulmet ajrore të Izraelit në Gaza do të vazhdojnë edhe nëse nga kjo dëmtohen izraelitët e zënë robër.

“Sulmet në Rripin e Gazës do të kryhen fuqishëm dhe gjerësisht, madje edhe me koston e dëmtimit të pengjeve izraelitë që janë në robëri në Gaza”, tha ushtria izrealite.

Tutje ata shtuan se nëse dihet ku ndodhen robërit do të përmbahen nga sulmi në atë vend, por derisa nuk dihet vendndodhja e tyre, të gjitha objektivat e Hamasit do të sulmohen, raporton Al Jazeera, transmeton Klankosova.tv.

22:44- Sulmi i Izraelit në Rripin e Gazës deri më tani vrau 100 fëmijë

Rreth 100 fëmijë palestinezë janë vrarë, që kur ushtria izraelite nisi sulmet e saj në Rripin e Gazës të shtunën në mëngjes, tha Defense for Children International – Palestine.

”Të paktën 91 fëmijë palestinezë në Gaza janë vrarë nga sulmet ajrore izraelite dhe forcat izraelite kanë qëlluar dhe vrarë pesë djem palestinezë në Bregun Perëndimor të pushtuar”, tha grupi për të drejtat e fëmijëve.

Ata po ashtu deklaruan se disa familje të tëra u shkatërruan, raporton Al Jazeera, transmeton Klankosova.tv

21:44 – MPJD fton kosovarët që janë në rrezik nga luftimet në Izrael t’i kontaktojnë në këtë numër

Ministria e Punëve të Jashtme dhe Diasporës u ka bërë thirrje të gjithë kosovarëve që janë në Izrael, të cilët janë në rrezik nga lufta që është duke u zhvilluar atje për të kontaktuar me Ambasadën e Kosovoës në Izrael.

Në një përgjigje për Klankosova.tv, MPJD ka bërë të ditur se numri emergjent të cilin mund ta kontaktoni është ky: +9720586340450.

“MPJD i bënë thirrje të gjithë shtetasve të Republikës së Kosovës që kanë nevojë për ndihmë të kontaktojnë numrin e mëposhtëm emergjent të Ambasadës së Kosovës në Izrael: +9720586340450”.

“Ministria e Punëve të Jashtme dhe Diasporës shpreh falënderimin dhe mirënjohjen ndaj Ministrisë për Evropën dhe Punët e Jashtme të Republikës së Shqipërisë dhe Ministrit, Igli Hasani, për mbështetjen dhe ndihmën e ofruar”, thuhet në njoftim./

21:27 – Shtatë kosovarë kërkojnë ndihmë për t’u larguar nga zona e luftës në Izrael

Shtatë kosovarë aktualisht po kërkojnë ndihmë nga Ambasada e Kosovës në Izrael, për t’u ofruar zgjidhje, që të largohen nga zona e luftës që shpërtheu.

Veç tyre, tetë të tjerë tashmë janë kthyer në vendlindje për shkak të sulmit terrorist ndaj shtetit të Izraelit që ndodhi të shtunën, më 7 tetor të këtij viti.

Këtë e ka bërë të ditur Ministria e Punëve të Jashtme dhe Diasporës në një përgjigje për klankosova.tv, nga dikaster i cili u shprehën se po mbajnë kontakte të vazhdueshme edhe me shtetasit e Republikës së Kosovës që ndodhen me punë në shtetin e Izraelit si pjesë e stafit ndërkombëtar të organizatave të huaja.

“Të gjithë shtetasit e Republikës së Kosovës, që kërkuan ndihmë tashmë janë larguar nga territori i shtetit të Izraelit. Ndërkohë, në Ambasadën e Republikës së Kosovës janë lajmëruar edhe shtatë shtetas të tjerë me të cilët Ambasada është në komunikim të vazhdueshëm për t’i ofruar zgjidhje. Të lajmëruarit janë të sigurt dhe në gjendje të mirë shëndetësore”.

“Ministria e Punëve të Jashtme dhe Diasporës po mban kontakte të vazhdueshme edhe me shtetasit e Republikës së Kosovës që ndodhen me punë në shtetin e Izraelit si pjesë e stafit ndërkombëtar të organizatave të huaja apo agjensioneve të Organizatës së Kombeve të Bashkuara – OKB-së”, thuhet në përgjigje.

Po ashtu, theksohet se nga informacionet e pranuara deri më tash nuk raportohet për ndonjë shtetas të Republikës së Kosovës që ka humbur jetën apo është lënduar.

Deri tani numri i izraelitëve të vrarë ka shkuar në 900, ndërkaq i palestinezëve 687. Lufta nisi kur Shërbimet izraelite të emergjencës kanë bërë të ditur se dhjetëra raketa u lëshuan nga Rripi i Gazës drejt Izraelit.

20:07 – Shkon në 900 numri i të vrarëve nga sulmet ndaj Izraelit

Ka shkuar në 900 numri i të vrarëve në Izrael, pas sulmeve intensive të konfliktit me Hamasin.

Këtë e ka konfirmuar për rrjetin amerikan të lajmeve CBS, një zëdhënës i ambasadës izraelite, transmeton klankosova.tv.

18:55 – Gishtat drejt Iranit, ata mohojnë përfshirjen?!

Irani ka një marrëdhënie të gjatë dhe intime me Hamasin.

Për vite me radhë, ajo ka financuar dhe furnizuar me armë organizatës. Në vazhdën e operacionit brutal, por shumë kompleks të së shtunës, njerëzit po pyesin: A e urdhëroi Irani?

Gazeta Wall Street Journal, duke cituar burime të paidentifikuara të Hamasit, thotë se Irani dha dritën jeshile në një takim në Bejrut një javë më parë. Teherani ka mohuar çdo përfshirje.

Shtëpia e Bardhë thotë se nuk ka parë ende prova që sugjerojnë se Irani qëndron pas sulmit.

Haim Tomer, një ish-oficer i lartë i shërbimit të inteligjencës së jashtme të Izraelit, Mossad, tha se koha i përshtatej Iranit sepse kërcënonte të prishte – të paktën për momentin – një afrim të mundshëm midis Izraelit dhe Arabisë Saudite.

Por ai tha se vendimi për të vepruar i takonte kryesisht Hamasit.

Raz Zimmt, një ekspert i Iranit në Universitetin e Tel Avivit, tha se Hamasi kishte vepruar sipas interesave të tij dhe nuk kishte nevojë për lejen iraniane.

15:27 – Nëntë amerikanë të vrarë në konfliktin në Izrael

Nëntë amerikanë janë vrarë në konfliktin Izrael-Hamas dhe të tjerë mund të jenë të zhdukur, tha zëdhënësi i Departamentit të Shtetit, Matthew Miller, në “Morning Joe” të hënën.

“Ka raporte për amerikanë që janë të pagjetur. Ne vazhdojmë të punojmë për të konfirmuar atë numër dhe të përpiqemi të gjejmë ata që janë të zhdukur”, shtoi ai.

“Ne nuk kemi informacione të forta as për numrin dhe as për vendin ku mund të jenë ata dhe do të vazhdojmë të punojmë për këtë me qeverinë e Izraelit”, raporton NBC News, transmeton Klankosova.tv.

Kombet anembanë globit janë përpjekur të vlerësojnë sigurinë e qytetarëve të tyre të kapur në përplasjen mes Izraelit dhe Hamasit që shpërtheu të shtunën.

13:37 – Rriten çmimet e naftës pas sulmit të Hamasit ndaj Izraelit

Çmimet e naftës janë rritur për shkak të shqetësimeve se situata në Izrael dhe Gaza mund të prishë prodhimin nga Lindja e Mesme.

Nafta e papërpunuar Brent, standardi ndërkombëtar, u rrit me 2.25 dollarë për fuçi në 86.83 dollarë, ndërsa çmimet në SHBA u rritën gjithashtu.

Izraeli dhe territoret palestineze nuk janë prodhues të naftës, por rajoni i Lindjes së Mesme përbën pothuajse një të tretën e furnizimit global.

Sulmi i Hamasit ndaj Izraelit ishte përshkallëzimi më i madh midis dy palëve për dekada.

Vendet perëndimore i dënuan sulmet. Një zëdhënës i Hamasit, grupi militant palestinez, i tha BBC-së se grupi kishte mbështetje të drejtpërdrejtë për lëvizjen nga Irani – një nga prodhuesit më të mëdhenj të naftës në botë, raporton BBC, transmeton KlanKosova.tv.

Irani mohoi përfshirjen në sulm në një takim të Këshillit të Sigurimit të OKB-së në Nju Jork të dielën, raportoi Reuters. Por presidenti Iranian, Ebrahim Raisi ka shprehur mbështetjen për sulmin.

Analisti i energjisë Saul Kavoniq i tha BBC-së se çmimet globale të naftës janë rritur “për shkak të perspektivës së një zjarri më të gjerë që mund të përhapet në vendet e afërta të mëdha prodhuese të naftës si Irani dhe Arabia Saudite”.

13:18 – Izraeli do të ndërpresë furnizimin me ujë në Gaza

Izeaeli ka vendosur që ta ndërpresë furnizimin me ujë në Gaza.

Kështu ka bërë të ditur ministri izraelit i Energjisë, Israel Katz, shkruan BBC, transmeton Klankosova.tv.

“Urdhërova që menjëherë të ndërpritet furnizimi me ujë nga Izraeli në Gaza”, ka shkruar ministri në “X”.

13:14 – Sulmet ajrore izraelite rrafshojnë ndërtesat e banimit dhe xhamitë në Gaza

Videot dhe imazhet në mediat sociale tregojnë xhamitë dhe ndërtesat e banimit të rrafshuara në Gaza.

Forcat e Mbrojtjes të Izraelit (IDF) thanë të hënën se sulmuan 500 objektiva të Hamasit dhe Xhihadit Islamik Palestinez gjatë natës.

Ministria e Brendshme palestineze tha se shumica e objektivave ishin “kulla, ndërtesa banimi, objekte civile dhe shërbimi dhe shumë xhami”.

IDF-ja pretendoi të hënën se dy asete operacionale të Hamasit u goditën brenda një xhamie në Gaza. Ai pretendoi se kishte goditur shtatë qendra të tjera komanduese të Hamasit, një qendër komanduese të Xhihadit Islamik dhe ndërtesa të shumta shumëkatëshe, duke përfshirë shtëpinë e sekretarit të Hamasit, Ruhi Mashtaa, raporton CNN, transmeton klankosova.tv.

Hamasi mohoi se ndërtesat e synuara ishin përdorur nga grupi militant, duke thënë se shtëpitë e banimit ishin në shënjestër pa paralajmërim.

Ndërsa, Agjencia e Kombeve të Bashkuara për Ndihmë dhe Punë (UNRWA) tha se rreth 74 mijë njerëz në Gaza u zhvendosën dhe u strehuan në shkollat e tyre. Këta numra “ka të ngjarë të rriten ndërsa bombardimet e forta dhe sulmet ajrore vazhdojnë duke përfshirë zonat civile”, tha ai.

12:53 – Shkon mbi 500 numri i të vrarëve në Gaza

Numri i të vrarëve në Gaza ka kaluar numrin 500.

Ministria e Shëndetësisë e Gazës thotë se 511 persona janë vrarë dhe 2 mijë 750 janë plagosur, shkruan BBC, transmeton Klankosova.tv.

Përndryshe, që nga nisja e konfliktit të shtunën ka marrë më shumë se 1 mijë jetë nga dy palët.

12:41 – Hamasi lëshon 120 raketa drejt dy qyteteve izraelite

Hamasi ka lëshuar 120 raketa drejt qyteteve jugore izraelite të Ashdod dhe Ashkelon si kundërpërgjigje ndaj sulmeve ajrore izraelite, tha grupi militant në një deklaratë.

Sulmi vie pasi grupi tha se hodhi raketa drejt Jerusalemit dhe Tel Avivit në veri të tyre, duke ndezur sirenat paralajmëruese në ato qytete, raporton CNN, transmeton Klankosova.tv.

12:31 – Izraeli urdhëron rrethimin e Gazës

Ministri i Mbrojtjes i Izraelit, Yoav Gallant ka urdhëruar një “rrethim të plotë” në Rripin e Gazës, duke thënë se nuk do të ketë energji elektrike, ushqim dhe karburant.

Si kujtesë – Izraeli kontrollon hapësirën ajrore mbi Gazën dhe vijën e saj bregdetare, dhe kufizon se kush dhe çfarë mallrash lejohen të hyjnë dhe të dalin nëpër pikat e tij kufitare, shkruan BBC, transmeton Klankosova.tv.

Në mënyrë të ngjashme, Egjipti kontrollon se kush kalon brenda dhe jashtë kufirit të tij me Gazën.

11:07 – Kremlini i shqetësuar për konfliktin në Izrael

Zëdhënësi i Kremlinit Dmitry Peskov ka thënë se Moska është “jashtëzakonisht e shqetësuar” për situatën në Izrael.

Ai shtoi se ngjarjet atje përbënin një “rrezik të madh” për rajonin më të gjerë dhe situata mund të përshkallëzohej lehtësisht, shkruan Sknewss, transmeton Klankosova.tv.

Ambasada ruse nuk ka informacion se sa qytetarë rusë në Izrael mund të jenë plagosur apo vrarë atje pas sulmit të Hamasit.

I pyetur nëse ngjarjet në Izrael mund të ndikojnë në operacionet e Rusisë në Ukrainë, Peskov tha se “ato janë dy gjëra krejtësisht të ndryshme”.

10:26 – Izraeli thotë se ka rivendosur kontrollin e komuniteteve pranë Gazës

Ushtria izraelite ka thënë se ka rivendosur kontrollin në komunitetet e saj në periferi të Gazës.

Raportet këtë mëngjes treguan se deri në tetë zona ishin ende të kontestuara midis Forcave të Mbrojtjes izraelite (IDF) dhe militantëve të Hamasit, shkruan Skynews, transmeton Klankosova.tv.

Megjithatë, ushtria izraelite pranoi se disa persona të armatosur palestinezë ishin ende në territorin izraelit.

Një zëdhënës shtoi se nuk kishte luftime në veri, por tha se trupat e vendosura atje ishin “gati për çdo skenar”.

10:08 – Shkon në 493 numri i të vdekurve në Gaza

Ministria e Shëndetësisë ka bërë të ditur se numri i të vrarëve nga sulmet izraelite në Rripin e Gazës është rritur në 493 persona,

Teksa është rritur gjithashtu numri i palestinezëve të plagosur në 2751, shkruan BBC, transmeton Klankosova.tv.

Përndryshe, që nga nisja e konfliktit të shtunën ka marrë më shumë se 1000 jetë nga dy palët.

09:48 – OKB thotë se më shumë se 123 mijë janë të zhvendosur në Gaza

Më shumë se 123 mijë njerëz janë zhvendosur në Rripin e Gazës që nga shpërthimi i konfliktit midis luftëtarëve palestinezë dhe Izraelit, sipas Kombeve të Bashkuara.

“Mbi 123,538 njerëz janë zhvendosur brenda në Gaza, kryesisht për shkak të frikës, shqetësimeve për mbrojtjen dhe shkatërrimit të shtëpive të tyre”, tha agjencia humanitare e OKB-së, OCHA, raporton Aljazeera, transmeton Klankosova.tv.

09:24 – 12 shtetas tajlandez të vrarë dhe 11 të rrëmbyer

Ministria e Jashtme e Tajlandës thotë se 12 shtetas tajlandez janë vrarë që kur Hamasi nisi sulmet të shtunën në mëngjes.

11 të tjerë u rrëmbyen dhe tetë u plagosën, raporton BBC, transmeton Klankosova.tv.

Janë rreth 30 mijë shtetas tajlandez në Izrael dhe rreth 5000 në Rripin e Gazës.

09:01 – Numri i të vdekurve në Gaza rritet në 436, në Izrael mbi 700 të vdekur

Numri i të vdekurve në Gaza është rritur në 436, thanë zyrtarët palestinezë të hënën, ndërsa Izraeli godet territorin e izoluar me sulme ajrore si kundërpërgjigje e sulmit të Hamasit.

Numri përfshin 81 fëmijë dhe 61 gra, sipas ministrisë palestineze të shëndetësisë në Gaza.

Rreth 2 mijë e 271 njerëz janë plagosur në Gaza, duke përfshirë 244 fëmijë dhe 151 gra, shtoi kjo ministri.

Ndërkohë, numri i të vdekurve në Izrael është rritur në më shumë se 700, tha të dielën një zëdhënës i Forcave të Mbrojtjes të Izraelit, raporton CNN, transmeton Klankosova.tv.

08:34 – Ushtria ende po i lufton militantët e Hamasit brenda Izraelit, thonë Forcat Mbrojtëse
Forcat izraelite janë ende duke luftuar kundër grupeve të armatosurve të Hamasit në shtatë deri në tetë lokacione në jug të Izraelit afër Rripit të Gazës, thanë Forcat Mbrojtëse të Izraelit në një konferencë këtë mëngjes.

Këto përfshijnë Be’eri, një komunitet agrar, i cili u infiltrua nga luftëtarët e Hamasit brenda natës. Shumë nga militantët janë vrarë, por të tjerë janë ende të fshehur në shtëpitë në kibuc, tha ushtria izraelite, raporton BBC, transmeton Klankosova.tv.

Kjo e fundit shtoi se ka sulmuar më shumë se 1000 objektiva në Gaza.

“Qëllimi i këtij operacioni është diçka krejtësisht tjetër… Po merr më shumë kohë nga sa prisnim për t’i kthyer gjërat në një pozicion mbrojtës, sigurie,” tha nënkoloneli Richard Hecht në një konferencë me gazetarët.

09.10.2023 07:24 – Irani mohon çdo përfshirje në sulmin e Hamasit

Irani “nuk ishte i përfshirë” në sulmin e kryer nga militantët e Hamasit në jug të Izraelit, ka thënë misioni i tij në Kombet e Bashkuara.

“Ne qëndrojmë në mënyrë të prerë në mbështetjen e palëkundur të Palestinës, megjithatë, ne nuk jemi të përfshirë në përgjigjen e Palestinës, pasi ajo merret vetëm nga vetë Palestina”, thuhet në deklaratën e këtij misioni të dielën sipas Reuters.

Hamasi kishte thënë më parë se ndihma nga Irani e asistoi atë të kryente sulmin gjatë fundjavës.

Irani e ka mbështetur Hamasin për vjet me radhë dhe u ofron luftëtarëve të tij armë dhe stërvitje – dhe grupi militant ka thënë se ata e kanë ndihmuar atë për të kryer sulmin e tij të koordinuar, raporton BBC, transmeton klankosova.tv.

Por Sekretari i Shtetit, Antony Blinken i tha CNN-it të dielën se qeveria amerikane “nuk ka parë ende prova që Irani drejtoi ose qëndron pas këtij sulmi në veçanti”.

22:45 – Të paktën 260 trupa janë gjetur në vendin e festivalit muzikor në Izrael pas sulmit të djeshëm

Të paktën 260 trupa janë gjetur në vendin e një festivali muzikor izraelit pas sulmit të së shtunës.

Kështu ka bërë të ditur Shërbimi izraelit i Shpëtimit, shkruan CNN, transmeton Klankosova.tv.

Të paktën 700 izraelitë dhe 400 palestinezë janë vrarë nga konflikti që nisi dje.

22:35 – Të paktën tre amerikanë të vrarë në sulmet në Izrael

Të paktën tre amerikanë janë vrarë pas sulmeve në Izrael, sipas një memorandumi të brendshëm të qeverisë amerikane.

Më herët, Sekretari i Shtetit, Antony Blinken tha se ShBA kishte marrë raporte për amerikanë të zhdukur dhe të vdekur dhe administrata po punonte për të verifikuar.

Memorandumi i brendshëm thotë se Departamenti i Shtetit është në dijeni të tre shtetasve amerikanë të vrarë.

21:39 – Sonte ”Air Albania” solli edhe kosovarë nga zona e luftës në Izrael

Avioni i parë që solli sonte në Rinas shqiptarë nga zona e luftës në Izrael, përfshinë edhe disa nga Kosova.

Këtë e ka bërë të ditur sonte, Ministria për Evropë dhe Punë të Jashtme në Republikën e Shqipërisë, në një njoftim të saj, ndërsa jep detaje për gjithë pasagjerët që arritën të fluturojnë nga Izraeli për në Tiranë, transmeton klankosova.tv.

”Avioni “Air Albania” me 40 pasagjerë, mes të cilëve edhe shtetas nga vendet e rajonit si Kosovë, Maqedonia e Veriut, të ndihmuar nga Ministria për Evropën dhe Punët e Jashtme, Ministria e Infrastrukturës dhe Energjisë, dhe Ambasada Shqiptare në Izrael është ulur në aeroportin ndërkombëtar “Nënë Tereza” pak më parë”.

Të njëjtit sipas njoftimit të ministrisë, kanë kërkuar vet që të largohen nga Izraeli pas shpalljes së gjendjes së luftës.

Pasagjerët janë pritur dhe përshëndetur nga ministri, Igli Hasani

”Në ditët në vijim do të ketë sërish të tjera fluturime të posaçme drejt Tel Aviv, ndërkohë që MEPJ është në koordinim edhe ministritë simotra të vendeve të rajonit për tu ardhur në ndihmë të gjithë qytetarëve që kërkojnë të kthehen në vendet e tyre”.

20:53 – Shkon në 413 numri i palestinezëve të vrarë nga konflikti që nisi dje

Ministria e Shëndetësisë në Gaza përmes përditësimit të fundit tha se se 413 persona janë vrarë nga konflikti që nisi dje.

Sipas tyre, 2 mijë e 300 persona janë plagosur nga ky konflikt, shkruan BBC, transmeton Klankosova.tv.

Ndërkaq, shifra e fundit zyrtare për numrin e izraelitëve të vrarë është rreth 700.

19:07 – Shtëpia e Bardhë premton mbështetje shtesë për Izraelin

Shtëpia e Bardhë ka premtuar mbështetje shtesë për Izraelin.

Sipas një deklarate të Shtëpisë së Bardhë, presidenti amerikan Joe Biden ka “drejtuar mbështetje shtesë”, shkruan BBC, transmeton Klankosova.tv.

“Zyrtarët e Shtëpisë së Bardhë do të mbeten në kontakt të ngushtë me partnerët tanë izraelitë”, thuhet tutje në deklaratë.

18:58 – Shkon në 700 numri i i izraelitëve të vdekur

Të paktën 700 izraelitë janë vrarë nga sulmet e Hamasit sipas mediumit lokal N12 News.

Nëse konfirmohet, do të thotë se konflikti që ka nisur në mëngjesin e së shtunës ka marrë më shumë se 1000 jetë nga të dyja palët.

Më herët sot, ministria e Shëndetësisë e Gazës ka thënë se të paktën 370 palestinezë janë konfirmuar të vdekur.

18:49 – SHBA-ja planifikon të lëvizë anijet dhe avionët ushtarakë “më afër Izraelit”

Ushtria amerikane planifikon të lëvizë anijet e marinës dhe avionët ushtarakë më afër Izraelit, sipas dy zyrtarëve amerikanë të njohur me këtë çështje.

Këto lëvizje do të vepronin si një shfaqje mbështetjeje dhe mund të fillonin menjëherë, raporton NBC, transmeton Klankosova.tv.

Megjithatë, anijet nuk do të jenë në vend për disa ditë.

Përndryshe, pas sulmit të Hamasit, Izraeli ka shpall gjendje lufte, ku mbi 600 izraelitë dhe 370 palestinezë janë vrarë.

18:45 – Ministri izraelit: Ka edhe amerikanë në mesin e pengjeve që po mbahen në Gaza

Ministri i Çështjeve Strategjike të Izraelit, Ron Dermer, ka thënë se në mesin e pengjeve që po mbahen në Gaza ka edhe amerikanë.

Ai nuk ka dhënë ndonjë numër të amerikanëve që tha se po mbaheshin peng, shkruan CNN, transmeton Klankosova.tv.

Dermer e quajti sulmin ndaj Izraelit një “sulm të egër”, duke thënë se gra, fëmijë dhe të moshuar janë në mesin e pengjeve në Gaza.

18:38 – Blinken: Kemi raporte se në mesin e të vrarëve në Izrael janë disa amerikanë

Sekretari i Shtetit Amerikan, Antony Blinken, ka thënë se mund të ketë shtetas amerikanë në mesin e të vdekurve në Izrael.

Blinken në një intervistë në NBC News ka potencuar se janë duke provuar që t’i verifikojnë këto raportime, transmeton Klankosova.tv.

“A e di administrata në këtë pikë nëse shtetasit amerikanë ishin në mesin e të vdekurve apo të marrë peng?” Kristen Welker e NBC News e pyeti Blinken.

Ai u përgjigj: “Pra, ne kemi raporte se disa amerikanë mund të jenë në mesin e të vdekurve”.

“Ne po punojmë në mënyrë shumë aktive për të verifikuar ato raporte. Në mënyrë të ngjashme, ne kemi parë raporte për pengjet dhe ata, përsëri, ne po përpiqemi në mënyrë shumë aktive t’i verifikojmë ato dhe ta zvogëlojmë këtë”.

I pyetur nëse disa qytetarë amerikanë mund të ishin marrë peng, ai u përgjigj: “Kjo është e saktë”.

18.26 – Shqipëria nis avion në Izrael për të nxjerr shqiptarët nga zona e luftës

Një operacion për marrjen e shqiptarëve nga zona e luftës në Izrael është duke u zhvilluar. Avioni i Air Albania veçse ka arritur në Tel Aviv për të marrë nga Izraeli shqiptarët në atë shtet.

Fluturimi ka nisur në orën 17:00 nga aeroporti i Tel Avivit dhe avioni pritet të ulet në aeroportin “Nënë Tereza” në Tiranë rreth orës 18:36.

Nuk dihet sa shqiptarë po kthehen nga Izraeli.

Operacioni ishte mbajtur sekret për shkak të rëndësisë së çështjes. Ky vendim u mor pas luftës në Izrael nga sulmi i militantëve të Hamasit.

Operacione të ngjashme për largimin e shtetasve të huaj nga Izraeli po i kryejnë edhe shtete të tjera.

17:14 – E diela në Izrael dhe Gaza përmes fotografive

Sipas të dhënave të fundit mbi 600 izraelitë janë vrarë që nga e shtuna dhe më shumë se 100 njerëz janë rrëmbyer dhe më shumë se 2 mijë janë plagosur.

Ndërkaq 370 palestinezë janë vrarë nga sulmet izraelite që nga mëngjesi i së shtunës, shkruan BBC, transmeton Klankosova.tv.

Më poshtë mund të shihni pamje të gjendjes në Izrael dhe Gaza gjatë ditës së sotme:

16:53 – Izraeli hap një qendër regjistrimi për personat e zhdukur

Izraeli po hap një qendër komandimi për personat e zhdukur për miqtë dhe anëtarët e familjes për të regjistruar personat që janë të pagjetur.

Një gjë e tillë u bë e ditur nga zëdhënësi ndërkombëtar për Policinë e Izraelit, Dean Elsdunne, shkruan CNN, transmeton Klankosoba.tv.

Ai tha se ata që regjistrojnë personat e zhdukur duhet të japin sa më shumë informacione, duke përfshirë sendet personale për të ndihmuar zyrtarët të përputhen me mostrat e ADN-së.

16:45 – Polonia dërgon avionë ushtarakë për të evakuuar qytetarët nga Izraeli

Polonia do të dërgojë avionë transporti të forcave ajrore për të evakuuar qytetarët e saj nga Izraeli,

Kështu ka bërë të ditur presidenti i Polonisë, Andrzej Duda në një postim në “X”, shkruan CNN, transmeton Klankosova.tv.

“Ne po punojmë që të gjithë bashkatdhetarët tanë të kthehen të sigurt në shtëpi”, është shprehur tutje ai.

16:01 – Ambasadorja Tamar Ziv falënderon Kosovën për mbështetjen ndaj Izraelit

Ambasadorja e Izraelit në Kosovë, Tamar Ziv, përmes një postimi në “X” ka shprehur mirënjohjen për mbështetjen nga Kosova.

Ajo është shprehur se kjo mbështetje është shumë e rëndësishme, përcjell Klankosova.tv.

“Ne jemi thellësisht mirënjohës për mbështetjen e palëkundur nga miqtë tanë në Kosovë. Mbështetja juaj ka një rëndësi të madhe për ne në këto ditë jashtëzakonisht të errëta dhe të vështira”, ka shkruar ajo.

15:46 – Mbi 600 izraelitë dhe 370 palestinezë të vrarë nga sulmet ajrore

Sipas një postimi në Facebook nga zyra e shtypit e qeverisë izraelite, mbi 600 izraelitë janë vrarë që nga e shtuna.

Në njoftim thuhet se më shumë se 100 njerëz janë rrëmbyer dhe më shumë se 2 mijë janë plagosur, shkruan BBC, transmeton Klankosova.tv.

Ndërkaq, sipas të dhënave të fundit mbi 370 palestinezë të vrarë nga sulmet izraelite që nga mëngjesi i së shtunës.

14:54 – Izraeli shpall gjendje lufte

Kabineti i sigurisë së Izraelit ka shpallur zyrtarisht gjendje të luftës, njoftoi zyra e kryeministrit Benjamin Netanyahu.

Kjo i lejon atyre të ndërrmarin veprime që sipas tyre janë “aktivitete të rëndësishme ushtarake”.

Sipas kryeministrit kjo luftë është imponuar nga sulmi që erdhi nga Rripi i Gazës, raporton Al Jazeera, transmeton Klankosova.tv.

14:30 – Qindra të vrarë deri më tani në sulmet izraelito-palestineze

Që nga fillimi i sulmeve ndaj Izraelit nga Gaza të shtunën, më shumë se 500 izraelitë janë vrarë, raportojnë mediat lokale.

Në Rripin e Gazës, Ministria e Shëndetësisë tha se 313 persona u vranë nga sulmet ajrore izraelite, me afro 2000 të plagosur, raporton BBC, transmeton Klankosova.tv

13:21 – 44 ushtarë izraelitë konfirmohen të vdekur nga ushtria

Ushtria izraelite thotë se të paktën 44 ushtarë janë vrarë në luftimet në Izrael deri më tani.

Ushtria shpalli emrat e ushtarëve në X në dy poste të veçanta.

Ai shtoi se familjarët e tyre ishin të informuar, transmeton Klankosova.tv.

13:19 – Ushtria izraelite: Po evakuohen vendbanimet ngjitur me Gazën

Vendbanimet ngjitur me Gazën po evakuohen, bëri të ditur ushtria izraelite.

Urim, Bari, Nahal Oz, Nativ Hatara dhe Zikim, janë disa nga vendet që përfshihen në këtë evakuim.

Ushtria e Izraelit tha më herët se të gjithë banorët që jetojnë në vendet afër Gazës do të evakuohen brenda 24 orëve, raporton Al Jazeera, transmeton Klankosova.tv

12:44 – Raportohet i zhdukur një shtetas britanik në Izrael

Ambasada izraelite në Britaninë e Madhe e ka konfirmuar se një shtetas britanik, Jake Marlowe, është zhdukur në Izrael pas sulmit palestinez.

Është e paqartë nëse ai është marrë peng. Sipas nënës së tij, Marlowe po punonte si staf sigurie në një festë në Kibbutz Re’im, pranë kufirit me Gazën, kur sulmi ndodhi të shtunën.

Në një përgjigje me email ndaj pyetjeve në lidhje me burrin, një zëdhënës i ambasadës i tha BBC-së: “ Është i zhdukur, nuk e dimë nëse është marrë peng në këtë pikë”.

Kjo vjen pasi një raport i Sky News citoi ambasadën të thoshte se ai nuk ishte dëgjuar që nga mëngjesi i së shtunës.

11:32 – Pamje nga sulmet në Gaza (VIDEO)

BBC ka publikuar disa pamje të sulmeve izraelite në Gaza.

Në video tregohet shkalla e shkatërrimit atje pas sulmeve ajrore izraelite në përgjigje të sulmit palestinez.

Një xhami shihet e shkatërruar në Khan Yunis, në Rripin jugor të Gazës, ndërsa disa ndërtesa të mëdha shihen gjithashtu se janë bërë rrënoja në qytetin e Gazës, shkruan BBC, transmeton Klankosova.tv.

Në linkun më poshtë i gjeni pamjet:

https://www.bbc.com/news/av/world-middle-east-67045650

11:08 – Mbi 400 militantë palestinezë të vrarë – thotë ushtria izraelite

Më shumë se 400 militantë palestinezë janë vrarë në jug të Izraelit dhe në Rripin e Gazës dhe dhjetëra të tjerë janë kapur.

Kështu ka thënë zëdhënësi i Forcave Mbrojtëse të Izraelit, Daniel Hagari, për Times of Israel.

“Që nga ky moment, ka forca që luftojnë në [Kibbutz] Kfar Aza, ka kërkime në një numër të madh qytetesh. Ka forca të Izraelit në të gjitha qytetet, nuk ka qytet që nuk ka një forcë IDF në të”, citohet të ketë thënë ai, raporton BBC, transmeton Klankosova.tv.

Një raport i mëparshëm nga agjencia e lajmeve Reuters tha se qindra persona të armatosur palestinezë ishin vrarë që kur Hamasi filloi sulmin të shtunën.

11:04 – Netanyahu mban një takim të sigurisë me zyrtarë të lartë

Kryeministri izraelit, Benjamin Netanyahu, po mban një takim për vlerësimin e sigurisë në selinë ushtarake në Tel Aviv, sipas mediave lokale.

Ministri i Mbrojtjes, Yoav Gallant, dhe Herzi Halevi, shefi i shtabit të ushtrisë, po marrin pjesë në takim mes zyrtarëve të tjerë të lartë, thanë mediat.

Nga luftimet numri i palestinezëve të vrarë ka shkuar në 313, prej tyre deri më tani raportohen se 20 janë fëmijë.

Ndërsa numri i izraelitëve të vrarëve është 300, sipas Ministrisë së Shëndetësisë.

Të plagosur mbetën 2000 palestinezë, ndërsa 120 prej tyre janë të mitur.

Kurse, në Izrael 2 mijë persona po trajtohen në spitale, 19 prej tyre janë në gjendje kritike, raporton BBC, transmeton Klankosova.tv.

10:46 – Hamas: Nuk po i sulmojmë civilët

Hamasi nuk po i sulmon civilët, tha zëdhënësi i lartë i këtij grupi, Osama Hamdan.

Kjo deklaratë e Hamdan për Al Jazeera, erdhi pasi grupet e të drejtave si Amnesty International kanë theksuar se civilët izrealitë ishin vrarë nga Hamasi.

Ai shtoi se duhet bërë dallimi mes siç tha “kolonëve dhe civilëve”, sipas tij kolonët sulmuan palestinezët.

10:21 – Konflikti izraelito-palestinez: Mbi 600 të vrarë

Numri i palestinezëve të vrarë ka shkuar në 313, prej tyre deri më tani raportohen se 20 janë fëmijë.

Ndërsa numri i izraelitëve të vrarëve është 300, sipas Ministrisë së Shëndetësisë.

Të plagosur mbetën 2000 palestinezë, ndërsa 120 prej tyre janë të mitur.

Kurse, në Izrael 2 mijë persona po trajtohen në spitale, 19 prej tyre janë në gjendje kritike, raporton BBC, transmeton Klankosova.tv.

09:40 – Shtëpitë e liderëve të Hamasit mes 150 objektivave të goditura nga sulmet izraelite

Avionët luftarakë izraelitë kanë goditur 150 objektiva që nga fillimi i sulmeve, një burim palestinez i sigurisë i tha BBC-së.

Aty janë të përfshira disa komplekse ku besohej se banonin liderët e Hamasit, transmeton Klankosova.tv

Në mesin e këtyre është raportuar më parë se ishte sulmuar edhe shtëpia e shefit të inteligjencës së Hamasit.

09:26 – Izraeli godet shtëpinë e shefit të inteligjencës së Hamasit

Ushtria izraelite ka goditur shtëpinë e shefit të inteligjencës të Hamasit në Rripin e Gazës.

Shtëpia u përdor si një infrastrukturë ushtarake nga grupi, sipas deklaratës së ushtrisë në X (ish-Twitter).

Ushtria vazhdon të kryejë sulme në të gjithë Gazën, thuhet në deklaratë, raporton Al Jazeera, transmeton Klankosova.tv.

08:55 – 100 civilë dhe ushtarë izraelitë të rrëmbyer, thotë ambasada në SHBA

Ambasada izraelite në Shtetet e Bashkuara ka thënë se 100 civilë dhe ushtarë janë rrëmbyer

Në një postim në X, dikur Tëitter, thuhet gjithashtu se më shumë se 300 izraelitë janë vrarë dhe mbi 1800 janë plagosur, raporton BBC, transmeton Klankosova.tv.

Këto shifra nuk janë konfirmuar zyrtarisht nga Izraeli.

08:40 – Izraeli kryen sulme në territorin libanez

Izraeli raportohet se ka qëlluar në territorin libanez në përgjigje të sulmit me mortaja nga atje.

Ndërsa, një zëdhënës i Forcave të Mbrojtjes të Izraelit tha se të shtënat u realizuan në zonën e malit Dov, një pjesë toke e pretenduar nga Izraeli, Libani dhe Siria pranë kryqëzimit të tre vendeve.

Kurse, Izraeli ka paralajmëruar lëvizjen militante të Hezbollahut të Libanit që të mos përfshihet në luftime, raporton BBC, transmeton Klankosova.tv

08:34 – Shkon në 300 numri i izrealitëve të vrarë, ndërsa i palestinezëve në 256

Numri i izraelitëve të vrarë ka shkuar në 300, ndërsa i palestinezëve në 256.

Izrealitet janë vrarë në sulmin e Hamasit në Izrael.

Kurse, palestinezët u vranë në Rripin e rrethuar të Gazës, raporton Al Jazeera, transmeton Klankosova.tv

8.10.223 – 08:24 – Forcat izraelite ende po merren me militantët e Hamasit në tetë zona

Izraeli thotë se është ende duke u marrë me Hamasin në tetë zona ku militantët palestinezë ishin infiltruar pas sulmit të papritur të mëngjesit të së shtunës, raporton BBC, transmeton Klankosova.tv.

Më poshtë gjeni shumë përditësime nga zëdhënësi ushtarak, nënkoloneli Richard Hecht në një konferencë të dielën në mëngjes:

Forcat e Mbrojtjes së Izraelit rifituan kontrollin e 22 vendndodhjeve në jug që u pushtuan nga militantët e Hamasit

Por ata ende po merren me ta në tetë lokacione

Autoritetet izraelite “ngadalë kanë filluar të evakuojnë” banorët në Rripin e Gazës dhe zonat përreth. Hecht nuk iu përgjigj pyetjeve se sa janë duke u evakuuar

Ai tha gjithashtu se Izraeli është “gati” për t’iu përgjigjur sulmeve nga Libani, por nuk ka diskutuar ndonjë plan për një pushtim tokësor.

Izraeli është “ende në luftë… ende po përfundon përpjekjet për të marrë kontrollin e plotë të territorit dhe komuniteteve izraelite nga Hamasi”.

23:36- Izraeli shtrin “situatën speciale të sigurisë” në të gjithë territorin

Ministri i Mbrojtjes i Izraelit, Yoav Gallant, ka shtrirë “situatën speciale të sigurisë” të vendit në të gjithë territorin e Izraelit të shtunën vonë, sipas zyrës së tij të komunikimit.

Kjo i mundëson Forcave të Mbrojtjes të Izraelit (IDF) të ofrojnë udhëzime sigurie për civilët dhe të mbyllin vendet publike sipas nevojës për sigurinë, tha zyra e ministrit.

Një zonë “situate speciale sigurie”, brenda një rrezeje prej 80 kilometrash (48 milje) nga Rripi i Gazës, ishte krijuar më herët të shtunën”

“Sot pamë fytyrën e së keqes. Hamasi (organizata terroriste) ka nisur një sulm brutal kundër qytetarëve të shtetit të Izraelit – duke sulmuar burra, gra, fëmijë dhe të moshuar, pa dallim”, tha Gallant në një deklaratë.

“Hamasi do të kuptojë shumë shpejt se ka bërë një gabim – një gabim i rëndë dhe do të paguajë një çmim (të rëndë)”, tha ai.

22:02 – Blinkeni flet me Abbasin, i kërkon t’i dënojë sulmet kundër Izraelit

Sekretari amerikan i Shtetit, Antony Blinken, ka zhvilluar një bisedë telefonike me presidentin e Palestinës, Mahmoud Abbas.

Gjatë bisedës, Blinken e Abbas folën për sulmet terroriste kundër Izraelit, për të cilat i kërkoi që t’i dënojë.

“Unë kërkova që të gjithë liderët në rajon duhet të dënojnë këto akte të tmerrshme terrorizmi”, tha Blinken, transmeton Klankosova.tv.

Kujtojmë se presidenti i ShBA-së, Joe Biden, ka thënë se pas sulmeve terroriste të Hamasit, Izraeli e ka të drejtën e plotë që ta mbrojë veten.

21:42 – Më shumë se 250 izraelitë të vdekur

Numri i izraelitëve të vrarë nga sulmet e Hamasit është rritur përsëri, me mediat locale izraelite që tani raportojnë se më shumë se 250 kanë vdekur.

Më herët, mediat në vend raportonin se 200 persona kishin vdekur.

Numri i personave të plagosur është rritur gjithashtu nga 1,100 në 1,452, ka thënë ministria izraelite e Shëndetësisë.

Ndërkohë, të paktën 232 palestinezë janë vrarë dhe 1,610 janë plagosur nga sulmet ajrore izraelite në Gaza, tha ministria e shëndetësisë e zonës.

21:40 – Netanyhau: Ne do të marrim hak, por lufta “do të marrë kohë”

Kryeministri i Izraelit, Benjamin Netanyahu, është zotuar se do ta mposht Hamasin, por sipas tij, lufta “do të marrë kohë”.

Sipas Netanyahut, grupi militant ka vrarë gra, fëmijë dhe të moshuar, teksa i ka bërë përgjegjës për maltretimin e pengjeve të kapura.

“Izraeli do të zgjidhë hesapet me këdo që e dëmton. Ajo që ndodhi sot nuk është parë kurrë në Izrael. Ne do të marrim hak të fuqishëm për këtë ditë të zezë”, tha Netanyahu, shkruan Sky News, transmeton Klankosova.tv.

Kujtojmë se më herët, presidenti i ShBA-së, Joe Biden, ka thënë se Shtetet e Bashkuara qëndrojnë krah Izraelit dhe se këta të fundit e kanë të drejtën e plotë që ta mbrojnë veten.

21:39 – Situata në Izrael, Këshilli i Sigurimit i OKB-së do të mbajë mbledhje urgjente

Të dielën Këshilli i Sigurimit i OKB-së do të mbajë një mbledhje urgjente për luftimet në Izrael dhe Gaza.

Siç bëhet e ditur mbledhja do të nisë në orën 15:00 për të trajtuar situatën në Lindjen e Mesme, transmeton Klankosova.tv

Kjo vjen pasi Brazili, i cili mban presidencën aktuale të këshillit, bëri thirrje për një takim të tillë.

21:10 – Presidenti i Palestinës i bën thirrje Macronit, “që të ndërhyjë urgjentisht për të ndalur agresionin izraelit kundër popullit palestinez”

Presidenti i Palestinës Mahmoud Abbas ka pranuar një telefonatë nga homologu i tij francez Emmanuel Macron, në të cilën Abbas “theksoi se përshkallëzimi aktual në rajon është rezultat i ngërçit politik”.

Abbas vuri në dukje “mohimin e të drejtës legjitime të popullit palestinez për vetëvendosje dhe krijimin e shtetit të tyre të pavarur me Jerusalemin Lindor si kryeqytet, agresionin e vazhdueshëm izraelit kundër popullit palestinez, tokës së tij dhe vendeve të tij të shenjta, dhe terrorizmi i vazhdueshëm i kolonëve izraelitë”.

“Presidenti deklaroi se përfundimi i pushtimit izraelit të tokës palestineze me Jerusalemin Lindor si kryeqytet, njohja e të drejtës së popullit palestinez për pavarësi dhe sovranitet dhe dhënia e anëtarësimit të plotë në OKB do të siguronte siguri, stabilitet dhe paqe në rajon”, njoftoi të shtunën agjencia palestineze e lajmeve ËAFA.

Ai vazhdoi t’i bëjë thirrje Macronit që “të ndërhyjë urgjentisht për të ndalur agresionin izraelit kundër popullit palestinez nga forcat pushtuese izraelite dhe grupet ekstremiste të kolonëve”, shtoi gazeta, shkruan The Guardian, transmeton Klankosova.tv.

20:43 – Mbi 230 palestinezë e 200 izraelitë të vrarë

Të paktën 232 palestinezë janë vrarë nga sulmet ajrore izraelite në Gaza ka thënë ministria e Shëndetësisë së Palestinës.

Shifrat e fundit sugjerojnë se të paktën 1,610 njerëz janë plagosur në sulme, shkruan Sky News, transmeton Klankosova.tv.

Izraeli nisi sulmin të cilin e quajti “Operacioni Shpata e Hekurt” në përgjigje të inkursionit të Hamasit.

Zëdhënësi i ushtrisë izraelite ka thënë se po godet objektivat në Gaza nga ajri.

Në anën tjetër, nga sulmet e Hamasit janë vrarë së paku 200 izraelitë, teksa janë plagosur mbi 1 mijë e 100 persona

20:03 – Shkon mbi 200 numri i izraelitëve të vdekur

Numri i izraelitëve të vrarë në sulmin e Hamasit është rritur në të paktën 200, raportojnë mediat lokale izraelite.

Këto janë detajet e fundit të dhëna nga Ministria e Shëndetësisë së Izraelit, shkruan Skynews, transmeton Klankosova.tv.

Ndërsa, më shumë se 1,100 njerëz janë lënduar.

19:30 – Mbi 150 izraelitë të vrarë

Numri i të vrarëve në Izrael ka shkuar mbi 150 që kur Hamasi ka nisur sulmin mëngjesin e së shtunës.

Deri më tani, sipas medieve lokale izraelite, mbi 1 mijë e 100 njerëz janë plagosur, ndërkohë zyrtarët e Rripit të Gazës kanë bërë të ditur se mbi 200 palestinezë kanë vdekur pas sulmeve ajrore izraelite, shkruan Skynews, transmeton Klankosova.tv.

Grupi militant i Hamasit ka bërë të ditur se avionët izraelitë kanë bombarduar shtëpinë e shefit të tyre në Gaza, Yehya Al-Sinwar.

19:23 – Linjat ajrore amerikane anulojnë dhe devijojnë fluturimet për në Izrael

Linjat ajrore amerikane po devijojnë dhe anulojnë fluturimet për në aeroportin kryesor ndërkombëtar të Izraelit, ndërsa luftimet janë ndezur midis forcave izraelite dhe militantëve palestinezë.

Fluturimi 954 i United Airlines u largua nga Aeroporti Ndërkombëtar i San Franciskos të premten mbrëma dhe u devijua mbi Grenlandë rreth shtatë orë në udhëtimin më shumë se 13 orësh, sipas të dhënave nga faqja e gjurmimit të fluturimeve FlightAware. Fluturimi do të aterrohet në San Francisko rreth orës 14:00.

FlightAware tregon se United ka anuluar një fluturim në të njëjtin orar origjinal për të shtunën.

“Siguria e klientëve dhe ekuipazheve tanë është prioriteti ynë kryesor”, tha linja ajrore në një deklaratë. “Ne po monitorojmë nga afër situatën dhe po rregullojmë oraret e fluturimeve sipas nevojës”.

Delta Air Lines dhe American Airlines kanë anuluar të shtunën dhe të dielën fluturimet për në Izrael të planifikuara për t’u nisur nga JFK e Nju Jorkut, sipas FlightAware.

Diku tjetër, linja ajrore gjermane Lufthansa gjithashtu ka reduktuar në mënyrë drastike fluturimet për në Tel Aviv.

“Do të ketë ende një fluturim nga Tel Avivi në Frankfurt këtë të shtunë. Të gjitha fluturimet e tjera të Lufthansa për dhe nga Tel Avivi janë anuluar për të shtunën e sotme”, tha linja ajrore në një deklaratë.

Në përgjithësi, FlightAware tregon se 14% e fluturimeve të destinuara për në Tel Aviv nga e gjithë bota janë anuluar./Klankosova.tv

19:28 – Sirena dhe shpërthime të forta janë dëgjuar mbi Tel Aviv

Sirenat dhe shpërthime të forta janë dëgjuar në të gjithë Tel Avivin.

Sipas gazetarëve të CNN në terren të shtunën, sirenat dhe dhe shpërthime janë dëgjuar pothuajse në të gjithë pjesën e këtij vendi.

Nuk dihet nëse shpërthimet e forta ishin si ndërprerje nga sistemet anti-raketë të Izraelit apo nga zhurma e raketave militante që po zbarkojnë në vend.

18:30 – Shkon në 100 numri i izraelitëve të vrarë

Ministria e Shëndetësisë e Izraelit ka dhënë shifra të përditësuara për mediat izraelite të viktimave të sulmit të Hamasit që nga orët e hershme të së shtunës.

Numri i të vdekurve tani raportohet të jetë rreth 100 dhe numri i personave të dërguar në spital në 985.

Transmetuesi publik Kan thotë se dhjetëra nga ata që po trajtohen janë në gjendje kritike, shkruan BBC, transmeton Klankosova.tv.

17:54 – Biden, Izraelit: Mbështetja për ju është e fortë dhe e palëkundur – terrorizmi nuk justifikohet kurrë

Presidenti i ShBA-së, Joe Biden, gjatë bisedës që ka pasur me kryeministrin e Izraelit, Benjamin Netanyahu, pas sulmeve të Hamasit ka thënë se terrorizmi nuk justifikohet kurrë.

Biden tha se Izraeli ka të drejtë të mbrojë veten dhe popullin e tij, teksa shtoi se ShBA-ja e dënon pa mëdyshje sulmin e tmerrshëm të terroristëve të Hamasit.

“Terrorizmi nuk justifikohet kurrë. Izraeli ka të drejtë të mbrojë veten dhe popullin e tij. Shtetet e Bashkuara paralajmërojnë çdo palë tjetër armiqësore ndaj Izraelit që kërkon përfitime në këtë situatë. Mbështetja e administratës sime për sigurinë e Izraelit është e fortë dhe e palëkundur”, tha Biden, shkruan BBC, transmeton Klankosova.tv.

Tutje, Biden tha se ShBA-ja po e ndjek nga afër situatën dhe se ai do të mbetet në kontakt të ngushtë me Netanyahun.

17:51 – Opozita izraelite ofron formimin e një qeverie të përbashkët emergjente

Udhëheqësi i opozitës izraelite, Yair Lapidi ka ofruar të formojë një qeveri të përbashkët emergjente, pas situatës së krijuar.

Lapid thotë se ia ka bërë ofertën kryeministrit Benjamin Netanyahu, shkruan Skynews, transmeton Klankosova.tv.

“Populli ynë u zgjua nga tingujt e sirenave, të shtënat dhe shpërthimet. Sulmet me raketa kundër civilëve të pafajshëm janë të pamëshirshme”, ka thwnw Lapid.

“E gjithë bota duhet të qëndrojë me Izraelin ndërsa ne mbrohemi nga terrori”.

Netanyahu dhe zyrtarët e lartë të sigurisë u mblodhën për një takim urgjent më herët sot.

17:18 – Ambasadorja e Izraelit e falënderon në shqip Kurtin për dënimin e sulmit nga Hamasi

Ambasadorja e Izraelit në Kosovë, Tammy Ziv, ka falënderuar kryeministrin Albin Kurti që në emër të institucioneve ka dënuar sulmin e sotëm që ndodhi nga grupi terrorist Hamas.

“Ju faleminderit shumë, Shkëlqesia Juaj z. Albin Kurti, Kryeministër i Republikës së Kosovës!”, ka shkruar në shqip, Ziv, përcjell KlanKosova.tv.

Kurti ka dënuar këtë sulm që deri tash ka marrë jetën e 70 izraelitëve.

“Ne dënojmë të gjitha aktet e dhunës dhe qëndrojmë në solidaritet të palëkundur me të prekurit”, kishte shkruar Kurti.

17:08 – Rritet në 70 numri i izraelitëve të vrarë

Numri i izraelitëve të vrarë në sulmin e sotëm të Hamasit është rritur nga 40 në 70.

Sipas shërbimeve të urgjencës izraelite, të plagosurit po evakuohen në mënyrë aktive.

“Të plagosurit janë duke u evakuuar në mënyrë aktive në ambulanca, automjete të lëvizshme të kujdesit intensiv dhe helikopterë në spitale të ndryshme”, thuhet në njoftim, shkruan Skyneës, transmeton Klankosova.tv

Deri më tani dyshohet se 545 persona janë të plaguar, megjithëse sipas raportimeve, kjo shifër mund të jetë afro 750.

16:46 – Hamasi i merr peng disa ushtarë dhe civilë izraelit

Hamasi ka marrë dhjetëra pengje gjatë luftimeve me Izraelin.

Siç mëson BBC-ja, pengjet janë ushtarë dhe civilë të cilët Hamasi i ka izoluar në disa qytete të vogla pranë Rripit të Gazës ndërsa të tjerë janë kthyer në Gaza.

Prej kur Hamasi nisi sulmet ndaj Izraelit mëngjesin e së shtunës, janë vrarë 40 izraelit dhe janë plagosur rreth 780 të tjerë, ndërsa deri më tani janë vrarë rreth 200 palestinezë

16:20 – ShBA-ja i quan terroriste sulmet e Hamasit: Qëndrojmë me popullin dhe qeverinë e Izraelit

Sekretari amerikan i Shtetit, Antony Blinken, i ka dënuar sulmet e Hamasit kundër Izraelit.

Blinken, sulmet e Hamasit i quajti si të tmerrshme dhe terroriste, teksa tha se ShBA-ja qëndron krah Izraelit.

“Ne qëndrojmë në solidaritet me qeverinë dhe popullin e Izraelit dhe shprehim ngushëllimet tona për jetët izraelite të humbura në këto sulme”, shkroi Blinken, transmeton Klankosova.tv.

Ndërsa, kryeministri i Izraelit, Benjamin Netanyahu, ka bërë të ditur se ka zhvilluar një bisedë telefonike me presidentin e ShBA-së, Joe Biden, i cili ka thënë se ShBA-ja e mbështet plotësisht të drejtën e Izraelit për t’u vetëmbrojtur

Kujtojmë se prej kur Hamasi nisi sulmet ndaj Izraelit mëngjesin e së shtunës, janë vrarë 40 izraelit dhe janë plagosur rreth 780 të tjerë.

15:59 – Sulmet në Izrael, afro 200 palestinezë të vrarë

Numri i palestinezëve të vrarë në sulmet ajrore izraelite në Rripin e Gazës është rritur në 198, thonë zyrtarët shëndetësorë.

Ndërsa nga ana e izraelitëve deri më tani janë konfirmuar 40 vdekje, shkruan BBC, transmeton Klan Kosova.

15:47 – Konjufca: I tronditur thellë nga sulmet terroriste kundër Izraelit

Kryetari i Kuvendit, Glauk Konjufca, ka thënë se është i tronditur thellë nga sulmet terroriste të mëngjesit të sotëm kundër Izraelit.

Në platformën X, ai ka thënë se qëndron në solidaritet me shtetin e Izraelit dhe popullin e tij gjatë kësaj kohe sfiduese, raporton Klan Kosova.

“I tronditur thellë nga sulmet terroriste të mëngjesit të sotëm kundër Izraelit. Ne qëndrojmë në solidaritet me shtetin e Izraelit dhe popullin e tij gjatë kësaj kohe sfiduese. Në emër të Kuvendit të Kosovës shpreh ngushëllimet tona të përzemërta për familjet që humbën më të dashurit e tyre”, ka shkruar kryeparlamentari Konjufca.

15:29 – Kurti: Kosova dënon sulmet e sotme terroriste kundër Izraelit

Kryeministri i vendit, Albin Kurti, ka thënë se Kosova dënon pa mëdyshje sulmet e sotme terroriste kundër shtetit të Izraelit.

Në platformën X, ai ka thënë se dënon të gjitha aktet e dhunës dhe se qëndron në solidaritet të palëkundur me të prekurit, raporton Klan Kosova.

“Republika e Kosovës dënon pa mëdyshje sulmet e sotme terroriste kundër shtetit të Izraelit. Mendimet tona janë me popullin e Izraelit gjatë kësaj kohe tepër sfiduese. Ne dënojmë të gjitha aktet e dhunës dhe qëndrojmë në solidaritet të palëkundur me të prekurit”, ka shkruar kryeministri Albin Kurti.

15:15 – Si po reagon bota ndaj luftimeve në Izrael

Liderët botërorë po reagojnë ndaj sulmit të papritur të Hamasit ndaj Izraelit të shtunën në mëngjes. Shumë prej tyre, siç ka ndodhur gjatë konflikteve të mëparshme, bëjnë thirrje për qetësi dhe përmbajtje.

Ja çfarë thuhet në Lindjen e Mesme:

Egjipt: Shpesh, ndërmjetësi midis dy palëve, Egjipti tashmë po përpiqet të gjejë një mënyrë për të ndaluar gjakderdhjen. Ministri i Jashtëm Sameh Shoukry tha se ai është në komunikim “intensiv” me kolegët dhe zyrtarët ndërkombëtarë për të “ndaluar përshkallëzimin e vazhdueshëm”, tha ministria në një deklaratë.

Turqi: Duke folur në një konferencë politike, presidenti turk Recep Tayyip Erdogan tha se vendi i tij u bën thirrje “palëve të veprojnë me përmbajtje në dritën e ngjarjeve në Izrael këtë mëngjes dhe të qëndrojnë larg hapave impulsivë që do të përshkallëzojnë tensionin”.

Arabia Saudite: Mbretëria tha se po ndjek nga afër situatën “e paprecedentë” dhe u bëri thirrje “të dyja palëve të ndalojnë menjëherë përshkallëzimin”. Ministria e Jashtme e Arabisë Saudite tha në një deklaratë se po përsërit “paralajmërimet e saj të mëparshme të përsëritura për rreziqet e shpërthimit të situatës si rezultat i okupimit të vazhdueshëm dhe privimit të popullit palestinez nga të drejtat e tij legjitime”.

Iran: Një këshilltar i liderit suprem të Iranit Ayatollah Ali Khamenei shprehu mbështetje për sulmin militant palestinez ndaj izraelitëve të shtunën, tha ISNA e lidhur me shtetin iranian.

Ja si kanë reaguar zyrtarët e Bashkimit Evropian:

Ursula von der Leyen: Presidentja e Komisionit Evropian tha në X, e njohur më parë si Twitter, se ajo dënon “pa mëdyshje” sulmin. “Është terrorizëm në formën e tij më të neveritshme. Izraeli ka të drejtë të mbrohet kundër sulmeve të tilla të neveritshme”.

Charles Michel: Presidenti i Këshillit Evropian dënoi gjithashtu “sulmet pa dallim të nisura kundër Izraelit dhe popullit të tij këtë mëngjes, duke shkaktuar terror dhe dhunë ndaj qytetarëve të pafajshëm. Mendimet e mia janë me të gjitha viktimat. BE qëndron në solidaritet me popullin izraelit në këtë moment të tmerrshëm”.

Çfarë thonë disa liderë evropianë në X:

Presidenti francez Emmanuel Macron: “Dënoj fuqishëm sulmet terroriste që po godasin aktualisht Izraelin. Shpreh solidaritetin tim të plotë me viktimat, familjet dhe të dashurit e tyre”.

Kancelari gjerman Olaf Scholz: “Na vjen sot një lajm tronditës nga Izraeli. Shpërthimi i raketave nga Gaza dhe dhuna në rritje na tronditin thellë. Gjermania i dënon këto sulme të Hamasit dhe qëndron në krah të Izraelit”.

Kryeministri i Mbretërisë së Bashkuar Rishi Sunak: “Jam i tronditur nga sulmet e mëngjesit të sotëm nga terroristët e Hamasit kundër qytetarëve izraelitë. Izraeli ka të drejtë absolute për të mbrojtur veten. Ne jemi në kontakt me autoritetet izraelite dhe shtetasit britanikë në Izrael duhet të ndjekin këshillat e udhëtimit”.

Kryeministri holandez Mark Rutte: “Imazhe të tmerrshme nga Izraeli. Organizata terroriste Hamas po kryen një sulm të paprecedentë ndaj Izraelit. Civilët e pafajshëm po sulmohen nga terroristët. Kjo dhunë duhet të ndalet; Izraeli ka çdo të drejtë të mbrojë veten”.

Rusia dhe Ukraina reagojnë:

Të dyja palët e përfshira në luftën në Ukrainë kanë komentuar.

Zëvendësministri i Jashtëm i Rusisë dhe i dërguari për Lindjen e Mesme, Mikhail Bogdanov i tha RIA Novosti të shtunën se Rusia është në kontakt me zyrtarët izraelitë dhe palestinezë dhe u bën thirrje të dyja palëve për një armëpushim të menjëhershëm.

Ministria e Punëve të Jashtme të Ukrainës tha në një deklaratë se Ukraina “dënon fuqishëm sulmet terroriste të vazhdueshme kundër Izraelit, duke përfshirë sulmet me raketa kundër popullatës civile në Jerusalem dhe Tel Aviv”.

“Shprehim mbështetjen tonë për Izraelin në të drejtën e tij për të mbrojtur veten dhe popullin e tij”, shtoi ai. /Klankosova.tv

14:55 – Sulmet në Izrael, të paktën 40 të vdekur dhe 779 të plagosur

Të paktën 40 persona janë vrarë që kur Hamasi nisi sulmin e papritur në mëngjesin e të shtunës kundër Izraelit, tha shërbimi i urgjencës i vendit.

779 persona të tjerë janë plagosur, sipas Ministrisë izraelite të Shëndetësisë, shkruan CNN, transmeton Klan Kosova.

14:23 – Borrell: Sulmet nga Hamasi po i shkaktojnë vuajtje të thellë popullit izraelit

Shefi i Politikës së Jashtme të BE-së, Josep Borrell, ka thënë se sulmet nga Hamasi po i shkaktojnë vuajtje të thellë popullit të izraelit.

Në platformën X, ai ka bërë thirrje që dhuna të ndalet menjëherë, raporton Klan Kosova.

“Ne ndjekim me ankth lajmet që vijnë nga Izraeli. Ne dënojmë pa mëdyshje sulmet e Hamasit. Kjo dhunë e tmerrshme duhet të ndalet menjëherë. Terrorizmi dhe dhuna nuk zgjidhin asgjë. BE shpreh solidaritetin e saj me Izraelin në këto momente të vështira”, ka shkruar kryediplomati Borrell.

“Sulmet pa dallim nga Hamasi po i shkaktojnë vuajtje të thellë popullit izraelit, duke rritur tensionin dhe duke minuar interesat palestineze. Solidariteti im i plotë me Izraelin. Më shumë se kurrë është e nevojshme të punohet për një paqe të qëndrueshme përmes përpjekjeve të ringjallura në MMPH”, ka shtuar ai.

Tutje, ai ka thënë se lajmet për civilët e marrë peng në shtëpitë e tyre ose në Gaza janë të tmerrshme.

“Kjo është në kundërshtim me të drejtën ndërkombëtare. Pengjet duhet të lirohen menjëherë”, ka theksuar Borrell.

“Nevojë urgjente për ndërprerjen e armiqësive, depërshkallëzim, respektim të plotë të DNH-së, çlirim të pengjeve dhe negociata. BE-ja dënon me vendosmëri të gjitha format e terrorizmit”, ka potencuar Josep Borrell.

12:42 – Hamasi thotë se ka kidnapuar ushtarë izraelitë

Hamasi ka thënë se ka kidnapuar ushtarë izraelitë pranë kufirit të Gazës gjatë sulmit të sotëm.

Në disa pamje të publikuara më herët, të paktën tre burra të veshur me rroba civile u panë të mbajtur nën kërcënimin e armëve, shkruan Sky News, transmeton Klankosova.tv.

Hamasi është shprehur se burrat ishin ushtarë izraelitë.

12:39 – Kosova dënon fuqishëm sulmet terroriste kundër Izraelit

Ministria për Punë të Jashtme dhe Diasporë ka dënuar fuqishëm sulmet terroriste kundër Izraelit.

MPJD thotë se qëndron në solidaritet të plotë me Izraelin në këto momente të tmerrshme, raporton Klan Kosova.

“Kosova dënon fuqishëm sulmet terroriste kundër Izraelit. Ne qëndrojmë në solidaritet të plotë me Izraelin në këto momente të tmerrshme. Mendimet tona janë me viktimat, familjet e tyre dhe gjithë Izraelin”, ka shkruar kjo ministri në platformën X.

12:35 – Osmani: E tmerruar nga sulmet terroriste në Izrael

Presidentja e vendit, Vjosa Osmani, ka thënë se është e tmerruar nga sulmet terroriste dhe vrasjet e civilëve të pafajshëm në Izrael.

Në llogarinë e saj në platformën X, ajo ka shprehur solidaritetin e plotë me popullin dhe shtetin e Izraelit, raporton Klan Kosova.

“Të tmerruar nga sulmet terroriste dhe vrasjet e civilëve të pafajshëm në Izrael. Shprehim solidaritetin tonë të plotë me presidentin Isaac Herzog, popullin dhe shtetin i Izraelit në këto orë të errëta. Mendimet tona janë me familjet e viktimave”, ka shkruar Osmani.

12:27 – Ushtria izraelite: Rreth 2200 raketa janë hedhur në Izrael nga Gaza

Ushtria izraelite tha se rreth 2200 raketa janë lëshuar nga Gaza në Izrael të shtunën që nga fillimi i luftimeve.

Këto shifra kundërshtojnë shifrat e komandantit ushtarak të Hamasit, Muhammad Al-Deif, i cili më parë tha se ishin lëshuar 5000 raketa, shkruan CNN, transmeton Klan Kosova.

“Ushtarë të shumtë të IDF-së, përfshirë forcat speciale, janë dërguar në zonën përreth Rripit të Gazës dhe po operojnë në një numër vendesh të ndryshme në divizion për të mbrojtur banorët e Izraelit jugor”, tha IDF në një deklaratë.

12:05 – Netanyahu për sulmin masiv të Hamasit: “Jemi në luftë”

Kryeministri izraelit, Benjamin Netanyahu, ka dhënë deklaratën e tij të parë publike për sulmin masiv nga grupi terrorist Hamas, duke thënë se vendi është në luftë.

“Qytetarë të Izraelit, ne jemi në luftë”, thotë ai. “Dhe ne do të fitojmë, shkruan timesofisrael.com, transmeton klankosova.tv.

“Armiku do të paguajë një çmim siç nuk e kanë ditur kurrë më parë”, thotë ai, në deklaratën e tij të parë publike për këtë çështje, rreth pesë orë nga fillimi i sulmit nga grupi terrorist me bazë në Gaza.

Ka raportime për një numër të vrarësh dhe rreth 300 të plagosurve pasi terroristët depërtuan në një numër qytetesh jugore derisa mijëra raketa janë hedhur në qendër dhe në jug të vendit.

11:55 – Shkon në 22 numri i të vrarëve nga raketat e lëshuara nga Gaza në Izrael

Ka shkuar në 22 numri i të vrarëve pas sulmit në Izrael, ku Gaza lëshoi disa raketa.

Kështu ka bërë të ditur Shërbimi i Shpëtimit të Izraelit, shkruan CNN, transmeton Klankosova.tv.

Ndryshe, sipas zyrës së kryeministrit izraelit, kabineti i Sigurisë i Izraelit do të mblidhet sot në selinë e Forcave të Mbrojtjes së Izraelit.

10:14 – Kabineti i Sigurisë i Izraelit do të mblidhet pas disa orësh

Sipas zyrës së kryeministrit izraelit, kabineti i Sigurisë i Izraelit do të mblidhet sot në selinë e Forcave të Mbrojtjes së Izraelit

Kabineti pritet që të mblidhet në orën 13:00, shkruan BBC, Klankosova.tv.

Zyra e Kryeministrit atje, tutje tha se aktualisht është duke u bërë një vlerësim sigurie.

10:08 – Ministri izraelit i Mbrojtjes: Izraeli do ta fitojë këtë luftë

Pas sulmit nga Gaza, ka reaguar ministri izraelit i Mbrojtjes, Yoav Gallant.

Ai është shprehur se Izraeli do ta fitojë këtë luftë, shkruan CNN, transmeton Klankosova.tv.

“U bëj thirrje të gjithë qytetarëve të Izraelit që të ndjekin udhëzimet e sigurisë. Shteti i Izraelit do ta fitojë këtë luftë”, është shprehur ai.

09:57 – Të paktën 100 të plagosur pas sulmit në Izrael

Të paktën 100 persona janë plagosur në të gjithë Izraelin, pas sulmeve nga Gaza.

Të paktën 80 persona janë transferuar në Qendrën Mjekësore Soroka, një qendër kryesore mjekësore në qytetin izraelit Be’er Sheva, shkruan CNN, transmeton Klankosova.tv.

Qendra Mjekësore Kaplan në Rehovot të Izraelit, tha se po trajton të paktën 21 persona të plagosur, duke përfshirë dy në gjendje të rëndë.

09:56 – Michel: BE-ja qëndron e solidarizuar me popullin izraelit

Presidenti i Këshillit Evropian, Charles Michel, thotë se Bashkimi Evropian qëndron e solidarizuar me popullin izraelit.

“Dënojmë fuqishëm sulmet pa dallim të nisura kundër Izraelit dhe popullit të tij këtë mëngjes duke shkaktuar terror dhe dhunë ndaj qytetarëve të pafajshëm”, shkroi ai në Twitter.

09:15 – Presidenti Herzog: Izraeli po përballet me një moment shumë të vështirë

Presidenti izraelit, Isaac Herzog, ka thënë se Izraeli “po përballet me një moment shumë të vështirë”, por ai mund të “kapërcejë të gjithë ata që na dëshirojnë të keqen”.

Në një deklaratë në X, i njohur më parë si Twitter, ai shkroi: “Shteti i Izraelit po përballet me një moment shumë të vështirë. Dëshiroj t’u ofroj forcë komandantëve dhe ushtarëve të IDF (Forcave të Mbrojtjes së Izraelit) dhe të gjitha forcave të sigurisë dhe shërbimeve të shpëtimit. Unë dërgoj inkurajimin dhe forcën time për të gjithë banorët e Izraelit që janë nën sulm”.

Ai u bëri thirrje të gjithëve që të ndjekin udhëzimet nga Komanda e Frontit të Brendshëm dhe të tregojnë përgjegjësi dhe vendosmëri reciproke.

“Ne mund t’i mposhtim të gjithë ata që na dëshirojnë të keqen,” tha ai.

09:12 – Pasojat e raketave të lëshuara në Izrael (FOTO)

Shërbimet izraelite të emergjencës kanë bërë të ditur se dhjetëra raketa janë lëshuar nga Rripi i Gazës drejt Izraelit.

Numri i të vrarëve nga këta raketa ka shkuar në katër.

Ndërkaq, më poshtë mund të shihni pasojat e raketave të lëshuara në Izrael:

09:04 – Militantë palestinezë hyjnë fshehurazi në Izrael

Militantët palestinezë në Rripin e Gazës kryen një infiltrim të paprecedentë në jug të Izraelit të shtunën dhe hodhën mijëra raketa në vend ndërsa grupi militant Hamas në pushtet njoftoi fillimin e një operacioni të ri, raporton AP.

Ushtria izraelite konfirmoi se një infiltrim kishte ndodhur në disa lokacione pranë kufirit të Gazës në Izraelin jugor, duke urdhëruar banorët të qëndrojnë brenda.

Ushtria gjithashtu filloi të godiste objektivat në Rripin e Gazës si përgjigje, duke krijuar terrenin për atë që ka të ngjarë të ishte një raund i ri i rëndë luftimesh midis armiqve.

08:54 – Së paku katër të vrarë në Izrael nga raketat e lëshuara nga Gaza

Kryebashkiaku i Kuseife, Abd al-Aziz Nassara, ka thënë për transmetuesin publik Kan se janë së paku katër të vdekur dhe disa të plagosur si pasojë e një sërë raketash që goditën qytetin izraelit.

Kuseife, qytet në jug të Izraelit, është 65 kilometra nga Rripi i Gazës.

08:04 – Forcat izraelite të Mbrojtjes mobilizojnë ushtarët, shpallin “gjendje lufte”

Shërbimet izraelite të emergjencës kanë bërë të ditur se dhjetëra raketa janë lëshuar nga Rripi i Gazës drejt Izraelit.

Forcat e Mbrojtjes të Izraelit kanë njoftuar se po mobilizojnë ushtarët, shkruan CNN, transmeton Klankosova.tv.

Bëhet e ditur se nga mbrojtja izraelite është shpallur “gjendje lufte”.

07:37 – Dhjetëra raketa të lëshuara nga Gaza drejt Izraelit

Shërbimet izraelite të emergjencës kanë bërë të ditur se dhjetëra raketa janë lëshuar nga Rripi i Gazës drejt Izraelit.

Sipas këtij shërbimi, nga këto raketa ka humbur jetën një grua, shkruan BBC, transmeton Klankosova.tv.

Ndërkaq, dy persona të tjerë janë plagosur, njëri prej të cilëve është në gjendje kritike.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

LIVE| Blinken takohet me Netanyahun në Tel Aviv: Ne nuk do të shkojmë askund (VIDEO)

lajme të ngjashme

Lajme

PE, Shqipërisë: Mos minoni punën e SPAK-ut

Futboll

Flet Shakohoxha për futjen e flamurit në lojën e Shqipërisë me Serbinë: E këndova himnin

Kosova

Një pjesë e prishtinasve pa rrymë, KEDS-i thotë se pronari i një shtëpie privati i pengoi punimet e defektit