Libia lëshon 205 urdhërarreste për trafikimin me njerëz

Libia ka lëshuar 205 urdhërarreste për libianë dhe të huaj, të dyshuar për përfshirje në një rrjet për kontrabandimin e migrantëve në Evropë, transmeton Klan Kosova.

Ata dyshohen për trafikim me njerëz, për torturë, vrasje dhe përdhunim.

Zyra e prokurorit të përgjithshëm në Libi tha se rrjeti përfshin anëtarë të shërbimeve të sigurisë, udhëheqës të kampeve për emigrantët dhe zyrtarë nga ambasadat afrikane në Libi.

Libia është në trazira që nga rënia e sundimtarit të saj, Muammar Gaddafi, në vitin 2011.

Pushteti është i ndarë midis milicive të ndryshme dhe dy qeverive rivale, gjë që lejon lulëzimin e aktiviteteve të paligjshme, transmeton Evropa e Lirë.

Libia ka qenë pikë kyçe në rrugën e qindra-mijëra emigrantëve nga Afrika nën-sahariane që kanë bërë përpjekje të arrijnë në Evropë përmes detit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.