Lezhë: Kapet adoleshenti që tentoi të vriste një person

Një 17-vjeçar është arrestuar në Lezhë, nën dyshimin se shtatë muaj më parë kishte tentuar të privonte nga jeta një person.

Siç bën të ditur Policia e Shqipërisë, i dyshuari e kishte goditur me sendet te forta viktimën, si dhe e kishte përplasur me automjet pas një konflikti për motive të dobëta, në të cilin u përfshinë gjashtë persona, transmeton Klankosova.tv.

Sipas autoriteteve shqiptare, po vijon puna për kapjen e të gjithë të dyshuarve të shpallur në kërkim për këtë rast.

Materialet procedurale iu referuan Prokurorisë së Lezhës, për veprime të mëtejshme.