Lëndohet Paul Pogba

Mesfushori i Juventusit, Paul Pogba është lënduar në gju, kështu që do të kërkojë një vizitë me një specialist për të parë nëse operacioni do të jetë i nevojshëm.

Ish-lojtari i Manchester United çaloi me problemin e gjurit gjatë një seance stërvitore në turneun e tyre parasezonal në Los Angeles.

Ai nuk dukej veçanërisht i shqetësuar, por testet tani kanë treguar se ka një lezion në meniskun anësor në gjurin e tij të djathtë, transmeton Klankosova.tv.

Reprezentuesi francez do të vizitojë një specialist për të parë nëse kërkohet ndonjë trajtim kirurgjik.

Sipas Tuttosport, Pogba do të ketë nevojë për operacion dhe do të jetë jashtë për 30-35 ditë.

Nuk është një fillim i mirë për rikthimin e tij te Zonja e Vjetër, pasi ka ardhur si lojtar i lirë nga Manchester United.

Mbetet për t’u parë se sa kohë do të jetë jashtë fushës 29-vjeçari.

Nëse specialistët këshillojnë operacionin, atëherë në mënyrë të pashmangshme do të jetë jashtë fushës për disa muaj.