Lekaj premton tetë milionë euro investime në komunën e Deçanit

Ministri i Infrastrukturës, Pal Lekaj vizitoi komunën e Deçanit ku u prit nga kryetari i kësaj komune, Bashkim Ramosaj.

Lekaj me këtë rast tha se ministria të cilën ai e drejton, do ta mbështes Deçanin në projekte të cilat kanë ndikim pozitiv në jetën e qytetarit.

Sipas tij Deçani do të përfitojë 8 milion euro, të cilat do të jenë për projekte lokale që i lidhin fshatrat e kësaj komune, raporton EO.

“U zotuam që do ta mbështesim fuqishëm në projektet lokale që kanë impakt pozitiv për zhvillimin ekonomik por edhe për zhvillimin e turizmit. Ne nënshkruam marrëveshje bashkpunimi me komunën e Deçanit dhe u zotuam që këto projekte nuk do të stërzgjaten, do të jemi të saktë dhe me kohë në përfundimin e tyre”, tha ai.