Lars von Trier diagnostifikohet me Parkinson

Regjisori i famshëm danez, Lars von Trier, është diagnostifikuar me sëmundjen e Parkinsonit.

Lajmin e ka bërë të ditur kompania e tij, Zentropa, të cilën kanë thënë se ai është në gjendje të mirë shpirtërore dhe se tashmë e ka filluar trajtimin.

Ai kishte thënë në një intervistë më 2018 se dridhjet e dorës i vinin si pasojë e lënies së alkoolit dhe antidepresantëve.

Filmi i tij i ri, The Kingdom Exodus, do ta ketë premierën në gusht në festivalin e Venedikut.