Lammy pritet nga Kurti, Hargreaves thotë se miqësia britaniko-kosovare është e qëndrueshme

Ministri britanik i Jashtëm, David Lammy, ka mbërritur mbrëmjen e sotme në Kosovë.

Ai është pritur nga homologia e tij, Donika Gërvalla, të cilët edhe zhvilluan një takim.

Ndërkaq më vonë, Lammy është takuar edhe me kryeministrin në detyrë, Albin Kurtin, ndërsa në takim prezent ishte edhe ambasadori britanik në Kosovë. Jothana Hargreaves.

Ky i fundit tha se miqësia britaniko-kosovare është e vjetër dhe e qëndrueshme.

“Isha i nderuar që isha në darkën e shtruar për Sekretarin e Jashtëm të Britanisë së Madhe, David Lammy, nga kryeministri në detyrë Albin Kurti dhe ministrat. Miqësia jonë Britani e Madhe-Kosovë – e bazuar në përkushtimin e përbashkët për një Kosovë të sigurt, multietnike dhe demokratike – është e vjetër dhe e qëndrueshme”, ka thënë Hargreaves.

Ministri Lammy nesër do të takohet edhe me presidenten Vjosa Osmani. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.