Lajçak: Nuk u arrit marrëveshje për targat, por shënuam progres për energjinë

Përfaqësuesi Special i Bashkimit Evropian për dialogun Kosovë-Serbi, Miroslav Lajçak, ka thënë që në takimet e sotme nuk është arritur marrëveshje për targat.

Ai këtë e ka thënë pas takimit në Bruksel me dy kryenegociatorët, atë të Kosovës, Besnik Bislimin, si dhe atë nga pala serbe, Petar Petkoviq.

“Sapo përfundova takimet e sotme me kryenegociatorët në Bruksel”, ka shkruar Lajçak në llogarinë e tij në Twitter.

“Rezultatet janë të përziera. Me keqardhje, nuk u arrit marrëveshje për targat, sidoqoftë shënuam progres në pikat tjera përfshirë dhe energjinë”.

“Puna do të vazhdojë”, ka përfunduar Lajçak postimin e tij.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.