Kylie Jenner mahnit me fustanin e ri nga marka e saj KHY

Kylie Jenner ka tërhequr vëmendjen e ndjekësve në rrjetet sociale pasi prezantoi një nga veshjet më të reja nga koleksioni veror i markës së saj të modës KHY.

28-vjeçarja publikoi në Instagram disa fotografi ku shfaqej me një fustan të zi elegant dhe provokues, i cili theksonte linjat e saj trupore dhe stilin karakteristik që e ka bërë një ikonë mode për miliona fansa.

Fustani i shkurtër, me dekolte të thellë dhe dizajn të ngushtë pas trupit, është pjesë e koleksionit të ri veror të KHY dhe ka një çmim prej 280 dollarësh. Jenner e kompletoi paraqitjen me sandale të zeza me taka të larta dhe vathë argjendi në formë unaze.

Duke etiketuar markën e saj në postim, Kylie e përshkroi veshjen si “fustanin e saj të preferuar të verës”, ndërsa fotografitë morën menjëherë mijëra pëlqime dhe komente nga ndjekësit.

KHY vazhdon të zgjerojë ofertën e saj në industrinë e modës, me koleksione që synojnë të kombinojnë elegancën, trendet moderne dhe stilin karakteristik të Kylie Jenner. /Klankosova.tv