Ky është i dyshuari për vrasjen e dy vëllezërve në Gollubovc të Malishevës

Astrit Isufi është i dyshuari për vrasjen e dy vëllezërve nga fshati Gollubovc të Malishevës.

Klankosova.tv ka mësuar gjithashtu se i dyshuari është dhëndri i viktimave dhe vjen nga një fshati i Komunës së Drenasit.

Burime të Klankosova.tv kanë pohuar se i dyshuari është në arrati, dhe se në vendin e ngjarjes ishte gjetur një armë zjarri.

Po ashtu, Policia e Kosovës ka bërë të ditur se sot rreth orës 11:30, dy persona të moshës madhore dy vëllezër janë dërguar në QMF-në e Kijevës si pasojë e plagëve të marra nga arma e zjarrit në fshatin Golluboc të Malishevës.

Personeli mjekësor në QMF ka konstatuar vdekjen e viktimave, transmeton Klankosova.tv.

“Njësitë e nevojshme policore i janë përgjigjur menjëherë rastit dhe kanë dalë në vendin e ngjarjes. Në koordinim me prokurorin e shtetit, janë duke u ndërmarrë të gjitha veprimet e nevojshme hetimore lidhur me rastin dhe arrestimin e të dyshuarit”, tha zëdhënësi i Policisë për rajonin e Gjakovës, Sheremet Elezaj. /Klankosova.tv

Vërejtje: Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata.