Kushtetuesja dhe afati 30 ditor, Lushaku-Sadriu: Jemi tepër vonë… (VIDEO)

Deputetja e betuar e Lidhjes Demokratike të Kosovës, Jehona Lushaku-Sadriu në emisionin “DPT te Fidani” në Klan Kosova ka folur në lidhje me 30 ditëshin e caktuar nga Gjykata Kushtetuese për konstituimin e Kuvendit.

Ajo u shpreh se duhet të bëjnë maksimumin për këtë gjë, sepse sipas saj, janë shumë vonë.

“30 ditëshi ka qenë obligativ edhe për nga shpallja e rezultateve të zgjedhjeve, do të thotë 30 ditëshin ia kanë dhënë ekstra nga shpallja e këtij vendimi”.

Prandaj, ne duhet të bëjmë maksikumin edhe si parti politike, të gjitha partitë politike dhe si Kuvend që ta konstituojmë Kuvendin dhe kjo është çështje serioze që kërkon vërtetë maturi politike, sepse jemi brenda detyrimeve kushtetuese”.

“Unë shpresoj shumë që të kemi një reflektim dhe themelin të institucioneve, sepse jemi tepër vonë, ne është dashur qysh në 30 ditëshin e parë pas shpalljes së rezultateve të kishim Kuvend të konsoliduar”.

“Pamaturia politike për ta themeluar Kuvendin vërtetë e dëmton shtetin”, u shpreh tutje Lushaku-Sadriu.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.