Kurti kujton fëmijët e vrarë dhe të zhdukur gjatë luftës – plagët janë të njoma

Kryeministri i vendit, Albin Kurti, ka kujtuar fëmijët e vrarë dhe të zhdukur gjatë luftës në takimin që pati me Rektorin e UP-së, Qerim Qerimi, stafin dhe studentët e angazhuar në projektin për memorialin e dedikuar atyre.

Kurti tha se krimet e luftës, krimet kundër njerëzimit e gjenocidi nuk janë të kaluara dhe sipas tij, plagët nga to ende janë të njoma.

“Ai theksoi se veçanërisht vrasjet e fëmijëve dhe shtatëzënave gjatë luftës janë gjenocid i kryer nga Serbia, krim ndaj brezave të ardhshëm, që nuk mund të harrohet e as të falet”, thuhet në njoftim, transmeton Klankosova.tv.

Tutje, në këtë takim u fol edhe për hartimin e dokumentit narrativ mbi memorialin për fëmijët e vrarë dhe të zhdukur gjatë luftës në Kosovës.

“U theksua se pas hartimit të dokumentit, do të bëhet shpallja e konkursit ndërkombëtar për projektin e memorialit të fëmijëve. Për prindërit, familjarët dhe dëshmitarët, Qeveria e Republikës së Kosovës ka hapur linjën telefonike: 046 222 006, si dhe e-mail adresën memoriali@rks-gov.net,  ku mund të kontaktohet ekipet për të shkuar te familjet dhe për t’u inkuadruar në procesin e konsultimeve”, thuhet në njoftimin e kryeministrisë, transmeton Klankosova.tv.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.