Kryeparlamentari Konjufca ngushëllon familjen Baruti, për vdekjen e ish-deputetit

Kryetari i Kuvendit të Republikës së Kosovës, Glauk Konjufca, ka ngushëlluar familjen Baruti, pas lajmit për vdekjen e ish-deputetit të Kuvendit të Republikës së Kosovës, Blerimit.

Konjufca tha se Baruti, gjatë punës së tij si deputet i Kuvendit të Kosovës, dha kontribut të çmuar në hartimin e legjislacionit në interes të qytetarëve, njofton Klan Kosova.

“Me pikëllim mora lajmin për ndarjen nga jeta të ish-deputetit të Legjislaturës së Parë të Kuvendit të Republikës së Kosovës, Blerim Baruti.

Në këtë moment dhimbjeje, familjes së tij, miqve e bashkëpunëtorëve të tij u shpreh ngushëllime në emër të Kuvendit të Republikës së Kosovës.

Me përgatitje dhe përvojë të spikatur profesionale, Baruti, gjatë punës së tij si deputet i Kuvendit të Republikës së Kosovës, ka dhënë një kontribut të çmuar në hartimin e legjislacionit në interes të qytetarëve. Qoftë i përjetshëm kujtimi për të!”, thuhet në telegramin e kryeparlamentarit Konjufca. ​

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.