Krasniqi thotë se edhe sot Dehari si kryesues shkeli Kushtetutën: Ndërpreu seancën pa lejuar zhvillimin e votimit

Albert Krasniqi nga Demokracia Plus ka bërë të ditur se edhe kryesuesi i seancës konstituive, Avni Dehari ra në kundërshtim me obligimet kushtetuese.

Kjo siç thotë meqë ndërpreu seancën në mënyrë arbitrare, pa lejuar zhvillimin e votimit, transmeton klankosova.tv.

”Rendi i ditës i seancës konstituive është i paracaktuar dhe nuk mund të ndryshohet apo të anashkalohet. Kryesuesi i seancës konstituive veproi në mënyrë arbitrare dhe në kundërshtim me obligimet kushtetuese duke e ndërprerë seancën pa lejuar zhvillimin e votimit. Votimi i deputetëve nuk mund të paragjykohet mbi bazën e deklarimeve në media. Kjo është përpjekje e qëllimit për të bllokuar konstituimin e Kuvendit”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.