Krasniqi për raportin “HRW”: Dëshmon detajisht paaftësinë e qeverisë

Kyetari i Partisë Demokratike të Kosovës, Memli Krasniqi, ka drejtuar një sërë akuzash ndaj kryeministrit, Albin Kurti, pas publikimit të raportit vjetor “Human Rights Watch” për Kosovën.

Në raport përmenden vrasjet e grave, kërcënimet ndaj gazetarëve si dhe diskriminimi ndaj komuniteteve të margjinalizuara, për çka Krasniqi konsideron se dëshmon detajisht paaftësinë e qeverisë, njofton Klankosova.tv.

“Kaosin, mungesën e kompetencës, keqqeverisjen dhe pasigurinë sociale e politike të krijuar gjatë vitit 2022 në vendin tonë – e ka evidentuar edhe raporti i fundit për Kosovën i organizatës Human Rights Watch”.

“Dhuna dhe vrasjet e grave, kërcënimet e gazetarëve nga zyrtarë institucionalë e diskriminimi i të gjitha komuniteteve të margjinalizuara, dëshmojnë detajisht paaftësinë e kësaj Qeverie. Shpërfaqja e mungesës elementare të përgjegjësisë institucionale në vitin e kaluar, është tregues i qartë se çfarë i pret qytetarët e Kosovës edhe këtë vit nga kjo Qeveri: Abuzim me të drejtat e tyre elementare”, ka shkruar Krasniqi në Facebook.

HRW: Në Kosovë ka mangësi në lirinë e medias