Kosova – Serbia: Kurti e pret vakët Trumpin, në dialog (VIDEO)

Ulja e palës kosovare në këtë tavolinë krah presidentit amerikan nuk i pati pëlqyer hiç.

Madje as marrëveshja që u arrit mes Kosovës e Serbisë me ndërmjetësimin e Donald Trump 4 shtatorin e 2020-ës, s`ia kishte mbushur syrin Albin Kurtit atëbotë.

Ky pati thënë se ka refuzuar të shkojë në Shtëpinë e Bardhë pasi marrëveshja, siç thoshte, ishte e gatshme dhe largimi demonstrativ i tij nga takimi, do të ishte më keq se mos-shkuarja.

Mbahet mend deklarata se ai mund t`i merrte 2/3 këmisha e të shkonte në Uashington por me ato kushte do të nënkuptonte se mbi hartën e Kosovës do të viheshin thikat.

Edhe zyra e tij qeveritare pati thënë se akordi i firmosur nga Avdullah Hoti s`vlen pasi nuk kaloi kah kuvendi.

E vetë Kurti në një intervistë për një medium spanjoll fundvitin e shkuar ndërroi krejt mendim, duke thënë se kjo marrëveshje ekonomike ka promovuar stabilitetin në rajon.

Por pak orë pasi presidenti amerikan Donald Trump shkroi se çështjes Serbi-Kosovë do t`i kthehet përsëri për ta rregulluar.

Shefi në detyrë i ekzekutivit thotë se para kësaj është një tjetër pajtim i arritur, që duhet jetësuar.

Pos dorëzimit të kryekriminelit siç ky e quan atë që vrau rreshterin Afrim Bunjaku, ka edhe dy kushte.

Deputeti Kurti, mirëpret rolin e Shteteve të Bashkuara qe paraqesin sipas tij aleatin kryesor e partnerin e pazëvendësueshëm të cilit të hënën ia dha edhe një epitet.

Normalizimi për Kurtin është i mundur, por se trysnia ndërkombëtare duhet të bie mbi Beogradin zyrtar.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.