Kosova pëson humbje ndaj Portugalisë (VIDEO)

Kombëtarja e Kosovës në hendboll në konkurrencën e femrave ka pësuar humbje nga Portugalia në ndeshjen e vlefshme për kualifikimet për në Kampionatin Evropian 2022

Rezultati përfundimtar i ndeshjes ishte 30-17 derisa Kosova kishte gjashtë mungesa për shkak të lëndimeve dhe infektimeve me koronavirus.

Portugalia avancon në fazën e dytë kualifikuese të Euro 2022, ndërsa Kosova renditet e dyta në grup me 4 pikë, jo mjaftueshëm për të kaluar në fazën e radhës. Kjo fazë kualifikuese, ku garuan Portugalia, Luksemburgu, Qipro e Kosova, u zhvillua në Pallatin e Rinisë dhe të Sporteve në Prishtinë.