Kosova dhuron 200 mijë euro për Shqipërinë në Konferencën e Donatorëve

Ministri i Financave dhe Transfereve Besnik Bislimi, po merr pjesë në Konferencën Ndërkombëtare të Donatorëve “Together for Albania”, e cila ka për qëllim të ndihmojë financiarisht Shqipërinë pas tërmetit të 26 nëntorit.

Nga ministria me të cilën udhëheq Bislimi, u bë e ditur se Qeveria e Kosovës ka zotuar shumën prej 200 mijë eurosh, për ta ndihmuar Shqipërinë në fazen e rehabilitimit dhe rindërtimit.

Sipas ministrisë këto mjete financiate i shtohen ndihmës financiare prej 500,000 euro që Qeveria e Kosovës kishte ofruar menjëherë pas termetit.

Ministri Besnik Bislimi gjatë këtij qëndrimi njëditor në Bruksel, gjithashtu ka takuar edhe Ministrin për Bashkëpunim dhe Zhvillim Ndërkombëtar të Suedisë, Peter Eriksson.

U bë e ditur se  dyshja diskutuan rreth prioriteteve të Qeverisë së Kosovës dhe vazhdimin e bashkëpunimit, si dhe përkrahjes që Suedia ka ofruar për Kosovën që nga paslufta.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.