Në Krushë të Madhe sot ka qëndruar ambasadori amerikan, Philip Kossnet i shoqëruar edhe nga bashkëshortja, Allison.

Vizita aty ndodhi pas ftesës që tash e një kohë ia bënë banorët e fshatit, për t’i treguar historinë tragjike që përjetuan gjatë luftës së fundit.

E për këtë në hyrje të kompleksit ishin vendosur fotografitë e 64 personave që ende konsiderohen të zhdukur, historinë e të cilëve amerikanit ia tregoi kryetari i fshatit, Selami Hoti, njofton Klan Kosova.

Më pas u bënë homazhe tek pllaka përkujtimore me emrat edhe të 241 personave të vrarë gjatë luftës.

Këtu Kossnet pa u dhënë shumë shpresa, pranoi se qeveria amerikane do të vazhdojë të angazhohet në zgjidhjen e çështjes së personave të pagjetur.

Kronikë nga Drin Demiri.