Konjufca: Kur pozita bojkoton Kuvendin, duhet të shkohet në zgjedhje

Shefi i grupit parlamentar të Lëvizjes Vetëvendosje, Glauk Konjufca ka akuzuar pozitën për bojkotim të  seancës pas dështimit të kësaj të fundit, njofton Klan Kosova.

Sipas tij, shkaku i këtij bojkoti vendi duhet të shkojë në zgjedhje.

“Në momentin që Qeveria, maxhoranca nuk guxon të vijë me opozitën me  përballë numrat me në Kuvend, kjo do të thotë se pushteti nuk po ndihet i sigurt me numrat e vet”

“Siç po e shihni sot as Nisma për Kosovën nuk morri pjesë, ajo dje ishte një lojë për mendimin tim , nuk ishte fare e sinqertë, kështuqë tash ndodhemi në një pozitë kur kryeministri i shtetit nuk e sheh të denjë me ardhur me ju përgjigj shqetësimeve të 51 nënshkrimeve të deputetëve që e kanë thirr këtë seancë të jashtëzakonshme, atëherë mund ta identifikojmë një krizë të thellë institucionale”, tha ai, njofton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.