Konfirmohet: I akuzuari është ish-kreu i Obiliqit

Ish-kryetari i Obiliqit, Mehmet Krasniqi është  akuzuar sot për korrupsion  nga Prokuroria Speciale e Kosovës.

Ky i fundit i kontaktuar nga televizioni ka mohuar të jetë ngritur akuzë ndaj tij.

Porse, pasardhësi i tij   në postin e të parit të Obiliqit, Xhafer Gashi, ka konfirmuar për Klanin se aktakuza është ngritur pikërisht ndaj  ish-kryetarit, Mehmet Krasniqi lidhur me rastin e hetimeve për korrupsion në këtë komunë.

“Prokuroria neve na ka dhënë afat prej 60 ditësh për t`i dorëzuar të gjitha faktet dhe dëshmitë që kanë të bëjnë me këtë rast” tha ai.

Ndryshe, ish-kreu i Obiliqit, akuzohet për “Keqpërdorim të pozitës apo autoritetit zyrtar”, “Mashtrim”, dhe “Mashtrimi në detyrë”.

Pos tij , në mesin e të akuzuarve janë edhe tetë zyrtarë tjerë të Obiliqit./Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.