Konfirmohet: Dy futbollistë të Manchester City pozitivë me COVID-19

Skuadra e Manchester Cityt me anë të një njoftimi ka konfirmuar se dy futbollistë të tyre kanë rezultuar pozitiv me COVID-19.

Bëhet e ditur se futbollistët e prekur janë Riyad Mahrez dhe Aymeric Laporte, transmeton Klan Kosova.

“Dy lojtarët aktualisht do të qëndrojnë në një periudhë të vetë-izolimit sipas protokolleve të Ligës Premier dhe Ministrisë së Shëndetësisë për karantinim”, shkruhet në njoftim.

“Të gjithë në klub i urojmë një shërim të shpejtë dyshes së prekur, përpara kthimit të tyre në stërvitje për sezonin e ri”.