Komuna e Malishevës bisedon për masat në prag të hapjes së xhamive

Nënkryetari i Komunës së Malishevës, Hajdin Berisha, ka pritur sot në një takim pune kryetarin e degës së Bashkësisë Islame në këtë komunë, mulla Sead Paçarizi, me të cilin kanë biseduar për veprimet që duhet të bëhen para dhe pas hapjes së xhamive, që pritet të bëhet nesër.

Berisha e Paçarizi kanë thënë se zbatimi i masave nga rekomandimet e institucioneve shëndetësore  është i domosdoshëm nga ana e xhematit nëpër xhami, duke filluar me mbajtjen e distancës dhe të gjitha masat tjera të rekomanduara.

Të dytë deklaruan se qytetarët duhet patjetër t’i zbatojnë masat mbrojtëse me qëllim të parandalimit të përhapjes eventuale të COVID-19, pasi ende jemi në situatë pandemike dhe kujdesi duhet të vazhdojë.

“Ashtu sikur kemi të drejtë t’i kryejmë ritet fetare në xhami, ashtu duhet edhe të mbrojmë shëndetin e qytetarëve”, thuhet në komunikatën për media të Komunës së Malishevës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.