Komisioni Europian me politikë të re për emigracion - Klan Kosova

Na ndiqni në:


Get it on Google Play Download on the App Store

Komisioni Europian me politikë të re për emigracion

NULL NULL
13/05/2015
Komisioni Europian aprovoi agjendën e një politike të re të emigracionit. Shefja e çështjeve të jashtme të BE-së, Federica Mogherini, ka përcjellë në profilin e saj në Twitter të rejat e fundit mbi çështjen e shumëdiskutuar.

Agjenda e bllokut mbi emigracionin është adoptuar nga Komisioni, – shkruan Mogherini, e cila falenderon Presidentin e Komisionit Europian Jean-Claude Juncker, zv.presidentin Frans Timmermans, si dhe komisionerin e çështjeve të brendshme dhe emigracionit, Dimitris Avramopoulos për atë që e cilëson një “punë të shkëlqyer skuadre”.

Përballë një emergjence dramatike, Europa më në fund e kuptoi se koha nuk premton më dhe këto javët e fundit ka hedhur hapa gjigantë duke u dhënë një përgjigje globale sfidave komplekse të emigracionit, – shkruan kryediplomatja europiane. Timmermans, nga ana tjetër, foli për propozime shumë ambicioze që rrjedhin nga diskutimet dhe kritikat e mëdha.

Nuk janë fiksuar ndërkohë numra për shpërndarjen e emigrantëve të zbarkuar tashmë, ndërsa përqindjet e vendeve pritëse do të jenë të ndryshme. Këto janë vetëm disa nga detajet e para të takimit të sotëm ku ka hedhur rrënjë kësisoj sistemi i kuotave.