Kombëtarja stërvitet te stadiumi i ri para përballjes me Francën NULL NULL 16.11.2019 22:49 16.11.2019 22:49 Një ditë para ndeshjes përuruese me Francën, kombëtarja shqiptare e futbollit, bashkë me trajnerin Reja, është parë të stërvitet te stadiumi i ri. Ndeshja e grupit për Euro 2020 ka pak vlerë konkurruese, pasi Franca është tashmë e kualifikuar dhe Shqipëria nuk e kalon dot më grupin, por megjithatë, biletat e ndeshjes janë shitur që të gjitha. FSHF ka thënë se kërkesa ka qenë në fakt tri herë më e madhe se kapaciteti i stadiumit, shkruan Top Channel, transmeton Klan Kosova. Trajneri i Francës, Didier Deschamps, është i bindur se Franca e tij nuk do ta ketë aspak të lehtë përballjen me Kombëtaren shqiptare. Në një konferencë për shtyp ku ai u shfaq me disa minuta vonesë, trajneri i Bluve që në Air Albania stadium do të festojë ndeshjen e tij të 100 në krye të Francës bëri vlerësimin e tij për skuadrën kuqezi të Edi Rejas.\ klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
