Kombëtarja e femrave në Basketboll, mëson kundërshtaret

Gjatë ditës së mërkure është hedhur shorti për Kampionatin Europian për shtete të vogla në konkurrencën e femrave në basketboll.

Kosova A (femrat) për herë të parë do të marrë pjesë në garat ndërkombëtare, njofton Klan Kosova.

Vashat nga Kosova do të jenë në Grupin B së bashku me Qipron, Gjibraltarin dhe Luksemburgun, derisa detajet e ndeshjeve do të publikohen në ditët e ardhshme

Në short nga Kosova pjesëmarrës ishte Granit Rugova, Drejtor i Përfaqësueseve të Kosovës.

Kampionati në fjalë ku do të debutojë kombëtarja e femrave në basketboll do të mbahet në Qipro nga 20 deri më 25 Korrik.