Koke: Doja finale spanjolle

Mesfushori i Atletico Madrid, Koke, u shpreh pas ndeshjes së mbrëmshme Real Madrid – Juventus, që përfundoi me rezultat 1-1, duke u siguruar italianëve finalen e Champions League.

Koke tha se është i lumtur për dy spanjollët tek Juventus, por që kjo nuk ishte ajo që donte.

“Jam i lumtur për Moratën dhe Llorenten. Por, doja një finale spanjolle, dy përfaqësues të ligës sonë. Nuk ndodhi, kështu që duhet të kënaqemi që Barcelona është aty”.

Ai foli edhe për La Ligan dhe fitoren e mundshme të Barcelonës në fushën e tyre.

“Shpresojmë që Barcelona nuk do t’a fitojë titullin në fushën tonë. Ne duam që ta mbyllim kampionatin të tretët dhe nuk jemi ekip që bëjmë favore; do të luajmë për fitore, si gjithherë”.