Kim Yo Jong e Koresë së Veriut thotë se do të ketë më shumë lëshime të satelitëve spiunë

Kim Yo Jong e Koresë së Veriut, motra e liderit Kim Jong Un, ka thënë se sateliti spiun ushtarak i vendit të saj së shpejti do të hyjë në orbitë dhe premtoi se Pheniani do të rrisë mbikëqyrjen ushtarake, raportoi media shtetërore KCNA të enjten.

“Ne jemi të gatshëm të veprojmë çfarëdo që të jetë për të mbrojtur të drejtën dhe interesat e saj sovrane,” tha Kim në një deklaratë të transmetuar nga KCNA.

Fjalët vijnë pas dështimit të lëshimit të satelitit të Koresë së Veriut të mërkurën.

Lëshimi dukej se ishte i nxituar dhe mund të duhen të paktën disa javë për të rregulluar problemin e raketës së saj, tha një ligjvënës koreano-jugor të mërkurën duke cituar agjencinë e inteligjencës së Jugut.

KCNA raportoi se një raketë që mbante një satelit  ushtarak të njohur si “Malligyong-1” u rrëzua në det pas një incidenti, shkruan Reuters, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.