KFOR-i flet për objektet që fluturuan mbi Kosovë net më parë

Objekte të shndritshme janë parë nga qytetarët mbi qiellin e Kosovës në mesnatën e 16 qershorit.

Një qytetar ka dërguar pamje te Klankosova.tv ku shihet se disa objekte që lëviznin me shpejtësi janë parë në Lipjan.

Në lidhje me këto pamje, KFOR-i për Klankosova.tv ka thënë se nuk kanë asnjë dëshmi për ndonjë aktivitet që mund të identifikohet me pamjet.

“Në lidhje me pyetjen tuaj, KFOR-i nuk ka asnjë dëshmi për ndonjë aktivitet të njohur që mund të identifikohet me imazhet që keni paraqitur”, tha KFOR-i për Klankosova.tv.

Deri më tani, të njëjtat objekte që fluturuan mbi qiellin e Kosovës nuk dihet se çfarë konkretisht janë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.