Këto janë ndeshjet që mund t’i ndiqni sonte LIVE në Artmotion

Këtë të premte në kanalin Art Sport 1 mund ta ndiqni LIVE ndeshjen në Superligën e femrave në Basketboll mes Bashkimit e Penzës.

Kjo ndeshje do të nisë nga ora 19:00, ndërsa në komentim do të jetë gazetarja sportive Ulpiana Emra.

Aktualisht Bashkimi është në vendin e parë në Superligën e femrave me gjashtë pikë nga tri ndeshje, aq sa ka edhe Penza që është në vendin e dytë.

Në pesë ndeshjet e fundit, Bashkimi i ka pesë fitore ndaj Penzës, njofton Klankosova.tv.

Kurse, nga ora 21:00 në Art Sport 1 mund ta ndiqni LIVE duelin mes Alavesit dhe Mallorcas së sulmuesit të Kosovës, Vedat Muriqi.

Mallorca udhëton te Alavesi pas një ecurie të mirë në pesë ndeshjet e fundit, ku ka tri fitore, një humbje dhe një barazim, teksa Alavesi në të gjitha garat në pesë ndeshjet e fundit ka katër humbje dhe një fitore. Këtë ndeshje mund ta ndiqni nën komentimin e gazetarit Lirim Pecit.

E, me fillim nga ora 19:30  në Art Sport 2 mund t’i ndiqni Formula 1 “GP Brazili” nën komentimin e gazetarit Naim Selmani.

Ndërsa nga ora 18:30 vjen në Art Sport 3 ndeshja nga Superliga e Turqisë mes Gaziantepit dhe Goztepes.

Nga ora 19:00 Monaco e pret Angers, e cila do të transmetohet në Artmotion. Aktualisht Monaco gjendet në vendin e dytë me 20 pikë, ku në pesë ndeshjet e fundit i ka tri fitore, një humbje e një barazim, ndërsa Angers gjendet në vendin e 15-të me shtatë pikë, ku në pesë ndeshjet e fundit i ka tri barazime, një humbje dhe një fitore.

Në mbrëmje, me fillim nga ora 21:00, skuadra e yllit të Kosovës, Edon Zhegrovës, e pret në shtëpi Lyonin, ndeshje kjo që transmetohet në Artmotion.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.